വൈദ്യുതി സൂക്ഷിച്ചു ഉപയോഗിക്കുക

ഊറ്ജം സംരക്ഷിക്കൂ, ഈ ഭൂമിയെയും നമ്മുടെ കുഞ്ഞുങ്ങളെയും രക്ഷിക്കൂ,

2009-12-14T01:29:00.000-08:00

ഇന്നു ലോക ഊറ്ജ സംരക്ഷണ ദിവസം ആണു. ഭൂമിയിലെ ഊറ്ജം സംരക്ഷിക്കാതിരുന്നാല് ഈ ഭൂമി ജീവിക്കാന് കൊള്ളാത്ത്തതാകും. നമ്മുടെ കുഞ്ഞുങ്ങളുടെ ജീവിതം ദു:സ്സഹം ആകും. അതുകൊണ്ടു ഊറ്ജം സരക്ഷിക്കുക, ഭൂമിയെ രക്ഷിക്കുക. നമുക്കു ചെയ്യാന് കഴിയുന്ന ചില ചെറിയ (വലിയ) കാര്യങ്ങള് ഇതാ:

1.ആവശ്യമുള്ളപ്പോള് മാത്രം ഫാനും ലൈറ്റും ഉപയോഗിക്കുക. മുറിയില് ആരും ഇല്ലെങ്കില് തീര്ചയായും ഫാനും ലൈറ്റും ഓഫ് ചെയ്യണം.

2.ആരും കാണാന് ഇല്ലെങ്കില് റ്റിവി ഒഫാക്കുക, റിമോട്ടില് ഓഫ് ചെയ്താല് പൊരാ, വൈദ്യുത ബന്ധം തന്നെ ഓഫ് ആക്കണം.

3.വീട്ടില് കഴിയുമെങ്കില് റ്റ്യൂബ് ലൈറ്റൊ (36 /40 വാട്ട്) കോമ്പാക്റ്റ് ഫ്ലൂറെസ്കന്റ് വിളക്കൊ ( 5/10/15 വാട്ട്) ഉപയോഗിക്കുക. ഇവക്കു 60/100 വാട്ട് സാധാരണ ബള്ബിന്റത്ര വെളിച്ചം തരാന് കഴിയും. തുടക്കത്തിലുള്ള അധികചിലവു മൂന്നു മാസം കൊണ്ടു ലാഭമാകും.

4.ഓരോ മുറിയിലും ആവശ്യത്തിനു മാത്രം ശക്തിയുള്ല വിളക്കുകള് ഉപയോഗിക്കുക. വായിക്കുവാന് സി എഫ് എല് ഉപയോഗിക്കുന്ന മേശ വിളകുകള് ആണു നല്ലതു.

5.സൂര്യ്പ്രകാശം ഉള്ലപ്പോല് കറ്ട്ടന് ഉയറ്ത്തി വച്ചു ലൈറ്റുകള് ഓഫ് ആക്കുക.

6.വെള്ളം ചൂടാക്കാന് ഇന്സ്റ്റന്റ് ഹീറ്ററ് ആണു ലാഭം, സംഭരണി ഉള്ല തരത്തിനേക്കാള്.

7.കഴിയുമെങ്കില് സോളാറ് ഹീറ്ററ് ഉപയോഗിക്കുക.അതു ഫ്രീ ആണു.

8.ഇന്വെറ്ട്ടറ് ഉപയോഗിക്കുന്നവര് പകല് സമയം ഓഫ് ചെയ്തു വച്ചാല് നന്നു.

9.ഇസ്തിരിപ്പെട്ടി എല്ലാ ദിവസവും ഉപയോഗിക്കാതിരിക്കുക. ആഴ്ചയിലൊരിക്കല് പകല് സമയത്തു ഇസ്തിരിയിടുക.

10.പാചകത്തിനു കഴിവതും വൈദ്യുതി ഉപയോഗിക്കാതിരിക്കുക.

11.പാചകം ചെയ്യുമ്പോള് എല്ലാ സാധനവും തയ്യാറാക്കി വെച്ചിട്ടു തുടറ്ചയായി പാചകം ചെയ്യുക.

12.പാചകത്തിനു പരന്ന ( താഴെ ചെമ്പു പ്പിടിപ്പിച്ച) പാത്രങ്ങള് ഉപയോഗിക്കുക. പ്രെഷര് കുക്കറ് കഴിവതും ഉപയോഗിക്കുക.

13.ഫ്രിഡ്ജു അത്യാവശ്യത്തിനു മാത്രം തുറക്കുക. ഫ്രിഡ്ജില് നിന്നെടുത്ത സാധനം മുറിയിലെ താപനിലയില് എത്തിയതിനു ശേഷം ചൂടാക്കുക.

14.അരി വേവിക്കുമ്പോള് ആവശ്യത്തിനു മാത്രം വെള്ളം ചേറ്ക്കുക. പരിപ്പുവറ്ഗങ്ങള് തലേ ദിവസം വെള്ലത്തില് ഇട്ടു വെച്ചു കുതിറ്ത്തതിനു ശേഷം വേവികുക, ഏളുപ്പത്തില് വെന്തുകിട്ടും.

15.കാറ് ഓടിക്കുന്നവര് 40-50 കിലോമീറ്ററിലധികം വേഗത്തില് ഓടിക്കാതിരിക്കുക.

16.ട്രാഫിക് ജാമില് കുടുങ്ങിയാല് മൂന്നു മിനുട്ടിലധികം നില്കേണ്ടി വന്നാല് എഞ്ചിന് ഓഫ് ആക്കുക.

17.കഴിവതും കാറ് പൂള് ചെയ്യാന് ശ്രമിക്കുക. ഇന്നത്തെ വലിയ കാറുകള് ഒരാളിനു വേണ്ടി മാത്രം ഓടിക്കുന്നതു വല്ലാത്ത ദുറ്വ്യയം ആണു.

18.കമ്പ്യൂട്ടര് ഉപയൊഗിക്കുന്നവറ് ആവശ്യമില്ലത്തപ്പോള് കമ്പ്യൂട്ടറ് ഓഫ് ആകുക,
അല്ലെങ്കില് കമ്പ്യൂട്ടറിന്റെ “ഊര്ജ സംരക്ഷണ രീതി” ഉപയോഗിക്കുക. അതുപയോഗിച്ചാല് നിശ്ചിത സമയം കഴിഞ്ഞാല് ആദ്യം മോണിട്ടറും പിന്നെ ഹാറ്ഡ് ഡിസ്കും പിന്നെ കമ്പ്യൂട്ടറ് തന്നെയും ക്രമേണ തനിയെ ഓഫ് ആക്കാം.

19.പ്രിന്ററ് ആവശ്യമുള്ളപ്പോള് മാത്രം ഉപയോഗിക്കുക. കഴീവതും നെറ്റ്വറ്ക് പ്രിന്റെര് ഉപയോഗിക്കുക. പേപ്പറിന്റെ രണ്ടു വശവും പ്രിന്റു ചെയ്യാന് ഉപയോഗിക്കുക. (ഊറ്ജം പോലെ പേപ്പറും ലാഭിക്കുക). അത്യാവശ്യമുള്ളപ്പോല് മാത്രം പ്രിന്റു എടുക്കുക.

20.കുട്ടികളെ ഊര്ജ്ജ സംരക്ഷണത്തിന്റെ ആവശ്യകത പറഞ്ഞു മനസ്സിലാക്കുക. അവരെ ഊര്ജ ബോധം ഉള്ള നല്ല പൌരന്മാരാക്കി വളറ്ത്തുക.

ഓറ്മിക്കുക, ഇന്നു നമുക്കു സംരക്ഷിക്കാന് കഴിയുന്ന ഓരോ കിലോവാട്ടും അഞ്ചു കിലോവ്വാട്ടു വൈദ്യുതിയുടെ ഉല്പാദനത്തിനു തുല്യമാണു.

ഊറ്ജ സംരക്ഷണത്തെ സംബന്ധിച്ചു നിങ്ങളുടെ ലാഭത്തെക്കാള് ഭാവി തലമുറയുടെ നിലനില്പാണു കാര്യം . അതുകൊണ്ട്.
ഊറ്ജം സംരക്ഷിക്കൂ , ഭൂമിയെയും നമ്മുടെ കുഞ്ഞുങ്ങളെയും രക്ഷിക്കൂ. .

ഊര്ജ ദുര്വ്യയവും ഹരിത വാതക ഉത്പാദനവും അമേരിക്കയില്

2009-07-18T01:02:00.000-07:00

ഇന്നത്തെ രീതിയില് മനുഷ്യന് ഊര്ജം ഉപയോഗിച്ചാല് അടുത്ത തലമുറ കഷ്ടത്തില് ആവും. എണ്ണ കൂടിയാല് ഇരുപത് വര്ഷം കുടി ഉപയോഗിക്കാനേ ഉണ്ടാവുകയുള്ളൂ. കല്ക്കരി മറ്റു ഇന്ധനങ്ങള് എല്ലാം തീര്ന്നു വരുകയാണ്. സൌര ഊര്ജവും കാറ്റില് നിന്നും മറ്റും ഉള്ള ഊര്ജവും കാര്യമായി ഉപയോഗിച്ചേ കഴിയു. ഭാവിയില്. അല്ലെങ്കില് നമ്മുടെ കുഞ്ഞുങ്ങളുടെ ജീവിതം അസഹ്യമാവും. ഭൂമിയിലെ ഹരിത വാതക ഉല്പാദന ( Greengas emission) വും തല്ഫലമായി ഉണ്ടാവുന്ന ഭൌമ താപനവും (Global warming) ഭാവിതലമുറകളുടെ കാര്യം വളരെ അധികം ബുദ്ധിമുട്ടില് ആക്കും.

പെട്രോളിന്റെയും ഡീസലിന്റെയും ഉപയോഗത്തില് ഏറ്റവും മുന്പില് അമേരിക്ക തന്നെയാണ്. ലോകത്തില് ഉപയോഗിക്കുന്ന ഇന്ധനത്തില് ഇരുപതു ശതമാനം അമേരിക്കയില് ഉപയോഗിക്കുന്നു. അമേരിക്കയിലെ ജനസംഖ്യ ലോകജനസംഖ്യയുടെ വെറും അഞ്ചു ശതമാനം മാത്രമാണെന്നു ഓര്ക്കുക. അമേരിക്കക്കാര്ക്ക് ഇന്ധന ഉപയോഗം കുറയ്കുന്നതില് തീരെ ശ്രദ്ധയില്ല . ഒരു കടയില് സാധനം വാങ്ങാന് വേണ്ടി കയറുമ്പോള് അഞ്ചും പത്തും മിനുട്ടുകള് വണ്ടി ഓഫ് ചെയ്യാതെ ഇടുന്നത് സാധാരണ ആണ്. കഷ്ടിച്ചു ഇരുനൂറു മീറ്റര് ദൂരത്തില് മാത്രം ഉള്ള അയല് വീട്ടിലേക്കു പോകാന് പോലും സ്വന്തം വാഹനം ഉപയോഗിക്കുന്നവര് ധാരാളം . രാത്രി കമ്പ്യുട്ടര് ഓഫ് ചെയ്യാല് പോലും ഇപ്പോള് ഉപയോഗിക്കുന്ന ഊര്ജത്ത്തില് 5 % കുറയ്കാന് കഴിയും അവിടെ. കംപ്യുട്ടര് ഓണ് ആയി ഉപയോഗക്ഷമം ആകാന് 20 സെക്കണ്ടു ക്ഷമിക്കാന് പോലും ആള്കാര് തയാറല്ല. കോണി ഒന്നാം നിലയിലേക്ക് പോലും കയറാനും ഇറങ്ങാനും ഉപയോഗിക്കുന്നു. മിക്കവാറും എല്ലാ സ്ഥലത്തും സ്വയം പ്രവര്ത്തിക്കുന്ന (ആട്ടോമാടിക്) വാതല് ആണ്. അപൂര്വം കറങ്ങുന്ന വാതില് വച്ചിരിക്ക്കുന്നിടത്തില് പ്രത്യേകം എഴുതുന്നു ഇത് ഊര്ജ ഉപയോഗം കുറയ്ക്കാനാണ്, സഹായിക്കുക എന്ന്. എന്നാല് അവിടെയും വീല് ചെയര് ഉപയോഗിക്കുന്നവരുടെ വാതില് ഉപയോഗിക്കാന് ആണ് ആള്കാര്ക്ക് താല്പര്യം. ഊര്ജം സംരക്ഷിക്കണം എന്നും മറ്റും ചില പരസ്യം കാണാം. പക്ഷെ അപൂര്വം ആള്കാരെ ഇത് ശ്രദ്ധിക്കാറുള്ളൂ ഒരു വീട്ടില് മുന്നും നാലും കാറുകള് സാധാരണം ആണ്. പൊതു വാഹനങ്ങള് വളരെ കുറവ്. ആവശ്യമില്ലാത്തപ്പോള് വീട് ചൂടാക്കാനുള്ള സംവിധാനം ഓഫ് ചെയ്യാന് പോലും ആള്കാര് മറക്കുന്നു. ഇന്ധനത്തിന്റെ വില വളരെ കുറവാണെന്നത് കൊണ്ടു ആരും ഇതൊന്നും ശ്രദ്ധിക്കുന്നില്ല.. വഴി അറിയാന് ആരോടെങ്കിലും ചോദിക്കാന് കാല് നട യാത്രക്കാരെ കാണാന് കിട്ടുകയില്ല. കഷ്ടിച്ചു അഞ്ഞൂറു മീറ്റര് അകലത്തില് ഉള്ള പാര്കില് കാറില് വന്നിറങ്ങി പാര്കിനു ചുറ്റും ഓടുന്ന ദമ്പതികളെ ഞാന് കണ്ടിട്ടുണ്ട്.

ഇന്നത്തെ കാലാവസ്ഥാ വ്യതിയാനത്തിനും ഭൌമ താപനില വര്ദ്ധിക്കുന്നതിനും പ്രധാന കാരണം വാഹനങ്ങളില് നിന്നും ഫാക്ടറികളില് നിന്നും പുറന്തള്ളുന്ന വാതകങ്ങള് ആണ്. നീരാവി, കാര്ബണ് മോണോക്സൈടും കാര്ബണ് ഡയോക്സൈഡും മീഥെയിന്, നയിട്രസ് ഓക്സൈഡ് എന്നീ വാതകങ്ങള് ആണ് ഭൌമ താപനത്തിന്നു കാരണം. 1992 ഇല് റിയോഡി ജെനിറോയില് കൂടിയ ഭൌമ സമ്മേളനത്തില് അമേരിക്ക മറ്റു വികസിത രാജ്യങ്ങല്കൊപ്പം ഹരിത വാതകത്തിന്റെ അളവ് 1990 ഇലേ നിലയിലേക്ക് 2000 ലെങ്കിലും എത്തിക്കാമെന്ന് ഏറ്റിരുന്നു. എന്നാല് ഇത് തുടര്ച്ചയായി വര്ദ്ധിച്ചു കൊണ്ടിരിക്കുന്നെ ഉള്ളു.1996ഇല് മാത്രം അത്3.4% വര്ദ്ധിച്ചു. ഭൂമിയിലെ താപ നില കഴിഞ്ഞ ഒരു നൂറ്റാണ്ടില് ഉണ്ടായ വര്ധന കഴിഞ്ഞ പത്ത് വര്ഷം കൊണ്ടു ഉണ്ടായിട്ടുണ്ട് എന്ന് പറയുന്നു. താപനില 3 - 4 C വര്ദ്ധിച്ചാല് ധ്റുവങ്ങളിലെ മഞ്ഞുരുകി ഭൂമിയിലെ താഴ്ന്ന പ്രദേശങ്ങളെല്ലാം മുങ്ങിപ്പോകും. കഴിഞ്ഞ നൂറ്റാണ്ടില് ഭൂമിയിലെ താപനില 0.6C ഉയര്ന്നിട്ടുണ്ട്. എന്നാല് യുഎന്നിലെ കണക്കുപ്രകാരം 2100ഇല് ഭൂമിയിലെ ശരാശരിതാപനില1.4 - 5.8 C വരെ 2100 ഇല് വര്ദ്ധിക്കാന് സാധ്യതയുണ്ട് എന്ന് കണക്കാക്കിയിരിക്കുന്നു. 2050ആകുമ്പോഴേക്ക് ഭുമിയിലെ പത്ത് ലക്ഷം ജീവജാലങ്ങള് എങ്കിലും നാമാവശേഷമാവുമത്രേ. ക്യാനഡായ്കടുത്തുള്ള ഗ്രീന് ലാന്ഡില് താപനില മൂന്നു ഡിഗ്രി ഉയര്ന്നാല് ഐസ് ഉരുകിത്തുടങ്ങും. ഏഴു ഡിഗ്രി ഉയര്ന്നാല് ഗ്രീന്ലാണ്ടിലെ ഐസ് മുഴുവന് ഉരുകും.ഭാഗികമായി ഇവിടത്തെ ഐസുരുകിയാല് പോലും കടലിലെ വെള്ളത്തിന്റെ നില ഒരു മീറ്റര് ഉയരും. ഇത് സംഭവിച്ചാല് തന്നെ അമേരിക്കയുടെ തെക്കുള്ള ഫ്ലോരിഡാ മേഖല വെള്ളത്തിനടിയില് ആകും. ഇന്ത്യന് സമുദ്രത്തിലെ മാലദ്വീപും നൈല്നദിയുടെ തീരവും ബംഗ്ലാദേശും താമസിക്കാന് പറ്റാത്തതാവും.

ചുരുക്കത്തില് ഇന്ന് ജീവിച്ചിരിക്കുന്ന ഓരോ മനുഷ്യനും ഇന്ധന ഉപയോഗത്തിലും ഊര്ജസംരക്ഷണത്തിലും ശ്രദ്ധിച്ചില്ലെങ്കില് ഏതാനും തലമുറകള് കുടി മാത്രമേ മനുഷ്യരാശിക്ക് നില നില്പുന്ടാവുകയുള്ളൂ എന്ന് കണക്കുകള് കാണിക്കുന്നു.

എര്‍ത്തിങ്ങ്‌ എന്തിന് എങ്ങനെ?

2008-12-02T01:48:00.000-08:00

എര്തിംഗ് എന്ന് പറഞ്ഞാല്‍ ഭു‌മിയുമായി ബന്ധിപ്പിക്കല്‍ എന്നാണ് അര്‍ത്ഥം. നമ്മുടെ വീട്ടിലെ വൈദ്യത ബന്ധത്തിന്റെ ഒരു അനിവാര്യ ഘടകം ആണ് എര്തിംഗ്.

ഇന്നത്തെ വീ്ടുകളില്‍ വിവിധ തരം വൈദ്യുത ഉപകരണങ്ങള്‍ ഉപയോഗിക്കുന്നു. പച്ച്ക്കരിയും മത്സ്യ മാംസാദികളും കേടു കുടാതെ സുക്ഷിക്കാന്‍ ഫ്രിട്ജു, വെള്ളം ചുടാക്കാന്‍ ഹിടര്‍, വസ്ത്രം ഇസ്തിരി ഇടാന്‍ ഇസ്തിരിപ്പെട്ടി ഇങ്ങനെ പലതും. ഇവയില്‍ പലതും നമ്മള്‍ നേരിട്ടു കൈകൊണ്ടു പ്രവര്‍ത്തിപ്പിക്കുന്നതാണ്. ഏതെങ്കിലും കാരണവശാല്‍ ഈ ഉപകരണത്തില്‍ നിന്നും നമുക്കു വൈദ്യുത ഷോക്ക് കിട്ടാന്‍ സാധ്യതയുണ്ട്. ഷോക്കും അതില്‍ നിന്നുള്ള ജീവാപായവും ഒഴിവാക്കാന്‍ ആണ് വീട്ടില്‍ നല്ല രിതിയില്‍ എര്‍ത്തിങ്ങ്‌ വേണമെന്നു പറയുന്നതു.

മുന്‍പൊരു ബ്ലോഗില്‍ പറഞ്ഞതുപോലെ വീട്ടിലുള്ള മിക്കവാറും എല്ലാ വൈദ്യുത ഉപകരണങ്ഗ്ഗളിലും വൈദ്യുതി എത്തിക്കുന്നത് രണ്ടു കമ്പിയില്‍ കൂടി ആണ്. ഫെയിസും ന്യുട്രലും എന്നാണു ഈ രണ്ടു വയറിനു പറയുക. ന്യുട്രലില്‍ തൊട്ടാല്‍ സാധാരണ വൈദ്യുതി ഷോക്ക് കിട്ടുകയില്ല. എന്നാല്‍ ഫെയിസില്‍ നല്ല ഷോക്ക് കിട്ടുകയും ചെയ്യും. എന്നാല്‍ ഇസ്തിരിപ്പെട്ടി, ഹീടര്‍ , ഫ്രിട്ജു ഇവയിലേക്കു വൈദ്യുതി കൊടുക്കുന്നത് മുന്ന് കമ്പികള്‍ വഴി ആണ്. മൂന്നാമത്തെ കമ്പി ഉപകരണത്തിന്റെ പുരംച്ചട്ടയിലുള്ള ലോഹ ഭാഗത്തിലാണ് ബന്ധിപ്പിക്കുന്നത്. അതായത് മൂന്നു പിന്നുള്ള പ്ലഗ്ഗില്‍ രണ്ടു വയര് ഉപകരണത്തിന്റെ രണ്ടു വൈദ്യുത അഗ്രത്ത്തിലും ഒരു വയര്‍ ലോഹ കവചവുമായും ബന്ധിപ്പിച്ചിരിക്കും. അതേസമയം ഭിത്തിയില്‍ ഉള്ള സോക്കടിലാകട്ടെ, മു‌ന്നു ബന്ധങ്ങളുള്ളത് ഒന്നു ലൈനിലും മറ്റൊന്നു നുട്രളിലും മു‌ന്നാമാതോന്നു എര്‍ത്ത് കമ്പിയിലുംമാണ് ബന്ധിപ്പിക്കുന്നത്. വീട്ടിലെ വയറിങ്ങില്‍ ഒരു ചെമ്പുകംപി എല്ലാ സ്ഥലതും വലിച്ച്ചിട്ടുള്ളത് കാണാം. ഈ കമ്പി വീട്ടിനു പുറത്തുള്ള ഒരു എര്തുകുഴിയിലെ പൈപുമായി ബന്ധിപ്പിച്ചിരിക്കു0 . എര്തിംഗ് പൈപിനനു രണ്ടു മീടറോളം നീളം ഉണ്ടാവും ഈ പൈപ് മണ്ണില്‍ വലിയ കുഴി എടുത്തു താഴ്ത്തി ഇടുന്നു. കുഴിയില്‍ വൈദ്യുത പ്രതിരോധം കുറക്കാന്‍ ഉപ്പും കരിയും ജലാംശം നില നിര്‍ത്താന്‍ മണലും ഇട്ടിരിക്കും. മൂടി ഇട്ട ഈ എര്തുകുഴ്യില്‍ വേനല്‍ കാലത്ത് വെള്ളം ഒഴിക്കുന്നത് നല്ലതാണ്. എര്‍ത്ത് വയറില്‍ കൂടി വരുന്ന അധിക കരണ്ടു പെട്ടെന്ന് ഭു‌മിയിലേക്ക് ഒഴുകാനാണ്‌ ഈ എര്തുകുഴി നല്ല രിതിയില്‍ സംരക്ഷിക്കുന്നത്.

ഉപകരണത്തിന്റെ പുറം ചട്ടയും ഭു‌മിയും സാധാരണ ഒരേ വൈദ്യുത നിലയിലായിരിക്കുന്നത് കൊണ്ടു അറിയാതെ നാം ഉപകരണത്തിന്റെ പുറത്ത് തൊട്ടാല്‍ ഷോക്ക് കിട്ടുകയില്ല. ഇനി യാദ്രിസ്ചികമായി വൈദ്യുത ലൈനിലെ ഫെയിസും ഉപകരണത്തിന്റെ ചട്ടയുമായി ബന്ധമുണ്ടായാല്‍ പ്ലഗ്ഗ് കുത്തുമ്പോള്‍ വൈദ്യുത ലൈന്‍ ഭൂമിയിലേക്കു ബന്ധിപ്പിക്കപ്പെടുന്നതുകൊന്ടു കരണ്ടു അമിതമായി പ്രവഹിക്കുന്നു. ഇങ്ങനെ സംഭവിച്ചാല്‍ ഫ്യുസു ഉരുകി (MCB പ്രവര്‍ത്തിച്ചു) വൈദ്യുത ബന്ധം വേര്‍പെട്ടു അപകടം ഒഴിവാകുന്നു.

നല്ല രിതിയില്‍ ഉണ്ടാക്കിയ എര്‍ത്ത് ആണെന്കില്‍ പെട്ടെന്ന് അപകടം ഒഴിവാകും. എര്‍ത്തിങ്ങ്‌ മോശമാണെന്കില് ഷോക്ക് കിട്ടാനും മറ്റു ചിലപ്പോള്‍ വയാര്‍ ഉരുകി തീപിടുത്തം ഉണ്ടാകാനും സാധ്യത ഉണ്ട്.
വീട്ടിലെ എര്‍ത്ത് വയറുകള്‍ എല്ലാം കൂടി ചേര്ത്തു എര്‍ത്തിങ്ങ്‌ കുഴിയിലെ പൈപുമായി നല്ലതുപോലെ ബന്ധിപ്പിക്കണം. എര്‍ത്തിങ്ങ്‌കമ്പി വളവു തിരിവുകള്‍ ഇല്ലാതെ നേരെ ആയിരിക്കണം.മിന്നല്‍ ചാലകം ( lightning arrestor) ഉണ്ടെങ്കില്‍ അതും നല്ല കട്ടിയുള്ള ചെമ്പു പട്ട ഉപയോഗിച്ചു എര്‍ത്ത് പൈപുമായി ബന്ധിപ്പിച്ചിരിക്കണം. വലിയ വീടുകളാണെന്കില് ഒന്നിലധികം എര്‍ത്തിങ്ങ്‌ കുഴി വേണ്ടി വരും. ഫാക്ടറികളിലും മറ്റും ചെമ്പു ഫലകങ്ങള് ഭൂമിയില് കുഴിച്ചിട്ടാണ് എര്‍ത്ത് ചെയ്യുന്നത്. .

മുന്ന് പിന്നും രണ്ടു പിന്നും എന്തിന് ?

2008-11-29T16:00:00.000-08:00

വിവിധ തരം മൂന്നു പിന്‍ പ്ലഗ്ഗുകള്‍ ( E - എര്തിലേക്ക് സോക്കടുവഴി L - ലൈനിലേക്ക് (ഫെഇയിസു) N - ന്യുട്രല്‍ )
ഉപകരണത്തില്‍ നിന്നു വരുന്ന രണ്ടു കംപികള് L, N ഇവയിലും ഉപകരണത്തിന്റെ പുറം ചട്ട E എന്ന വലിയ അഗ്രത്ത്തിലും ബന്ധിപ്പിക്കുന്നു. ഭിത്തിയിലുള്ള സോക്കടിലാവട്ടെ E എണ്ണ അഗ്രം എര്തിലെക്കും L ഫെയിസ് ലൈനിലെക്കും N ന്യുട്രളിലെക്കും ബന്ധിപ്പിക്കു

വേറൊരുതരം മൂന്നു പിന്‍ പ്ലഗ്ഗ്
വീട്ടിലെ വൈദ്യുത പ്ലഗ്ഗുകളില്‍ രണ്ടു പിന്നുള്ളതും മു‌ന്നു പിന്നുള്ളതും കണ്ടിട്ടുണ്ടാവുമല്ലോ. ഇതെന്താണ്? ഇതെന്തിനാണ്? സംശയം വരാം. ഒരു മുന്ന് പിന്‍ പ്ലുഗ്ഗിനു രണ്ടു പിന്‍ പ്ലുഗ്ഗിന്റെ ഇരട്ടിയലധികം വില വരും. അപ്പോപ്പിന്നെ എന്തിനാ ഈ അധികച്ചിലവു?
ഇതു ഒരു അധികച്ച്ചിലവല്ലാം തീര്‍ച്ച. സാധാരണ മു‌ന്നു പിന്‍ വഴി കരണ്ടു കൊടുക്കുന്നത് കുടുതല്‍ വൈദ്യുതി ഉപയോഗിക്കുന്ന ഉപകരണങ്ങള്‍ക്കാണ്. ഉദാഹരണത്തിന്, ഫ്രിട്ജ്, ഹിടര്‍ , ഇസ്തിരിപ്പെട്ടി എന്നിവക്കാണല്ലോ. അതെന്താ ഇനത്തിനു മാത്രം? കാരണം ഇത്തരം ഉപകരണങ്ഗ്ന്ങള്‍ പലപ്പോഴും നാം കൈകൊണ്ടു തൊട്ടു പ്രവര്‍ത്തിപ്പിക്കുന്നതാണ്. ഫ്രിട്ജ് തുറക്കുന്ന സമയത്തും ഇസ്തിരിപ്പെട്ടി ഉപയോഗിച്ചു വസ്ത്രം തെക്കുംപോഴും യാദ്രിസ്ചികമായി നമ്മുടെ കൈ ആ ഉപകരണത്തിന്റെ പുറംചട്ടയില്‍ തൊടാനുള്ള സാധ്യത വളരെ കുടുതല്‍ ആണ്. ഇത്തരം ഉപകരണങ്ങളുടെ പുറം ചട്ട മു‌ന്നു പിന്‍ പ്ലഗ്ഗിന്റെ മൂന്നാമത്തെ (കു‌ട്ടത്തില്‍ വലുത്, അഥവാ വണ്ണം കൂടിയതു) പിന്നിലാണ് ബന്ധിപ്പിച്ചിരിക്കുന്നത്. ഭിത്തിയില്‍ ഉറപ്പിച്ച പിന്നിന്റെ സോക്കടിലോ, ഇതിന്റെ ഭാഗം വീട്ടിലെ എര്‍ത്തിങ്ങ്‌ വയറു വഴി ഭു‌മിയുമായി ബന്ധിപ്പിച്ച്ചിരിക്കും. സാധാരണ ഗതിയില്‍ ഈ ഉപകരണങ്ങളുടെ പുറം ചട്ടയും വൈദ്യുത ലൈനിന്റെ ഫെയിസും ആയി ബന്ധമുന്ടാവുകയില്ല. ഏതെങ്കിലും കാരണവശാല്‍ വൈദ്യുതി വഹിക്കുന്ന ഫെയിസും ഉപകരണത്തിന്റെ പുറംചട്ടയുമായി ബന്ധം ഉണ്ടായാല് കുടുതല്‍ കരണ്ടു എര്തിലേക്ക് പ്രവചിക്കുന്നു. വീട്ടിലെ വൈദ്യുതി ബന്ധം വരുന്ന വഴിയുള്ള ഫ്യുസു ഉരുകി വൈദ്യുത ബന്ദ്ധം വേര്‍പെടുന്നു. ഒരു പക്ഷെ വൈദ്യുത ബന്ധം വേര്പെട്ടില്ലെങ്കില്‍ തന്നെ ഉപകരണത്തിന്റെ പുറം ചട്ടയില്‍ തൊടുന്ന നമ്മുടെ വിരലിന്റെ ആഗ്രവും നമ്മളും ഭുമിയില്‍ നില്കുന്നത് കൊണ്ടു ശരീരത്ത്തില് കൂടി കരണ്ടു പ്രവഹിക്കുകയില്ല. പ്രവഹിച്ചാല് തന്നെ മാരകമായ അളവില്‍ പ്രവഹിക്കുകയില്ല. അങ്ങനെ ജീവന്‍തന്നെ അപകടം വരുന്ന സാഹചര്യം ഒഴിവാക്കാന്‍ കഴിയുന്നു .
അതുകൊണ്ടു അല്പം ചെലവ് കുടിയാല്‍ പോലും അടുത്ത തവണ മുന്ന് പിന്‍ പ്ലഗ്ഗ് തന്നെ ഉപയോഗിക്കണം, പ്രത്യേകിച്ചും കുടുതല്‍ വൈദ്യുതി ഉപയോഗിക്കുന്ന ഇസ്തിരിപ്പെട്ടി, ഫ്രിട്ജ് , ഹീടര് എന്നിവയ്ക്ക്. ഒരു ചെറിയ കാര്യം കൂടി. എന്തിനാണ് ഈ മൂന്നാമത്തെ പിന്നിനു അല്പം വണ്ണം കുട്ടി വച്ചിരിക്കുന്നത്? അതിനും കാരണമുണ്ട്. ഒന്നാമതായി തിരിച്ചറിയാന്‍ തന്നെ. രണ്ടാമതായി, വണ്ണം കൂടുംപോള് എളുപ്പം കരണ്ടു പ്രവഹിക്കും എന്നത് തന്നെ.വണ്ണം കൂടിയ കമ്പിക്ക് പ്രതിരോധം കുറവാണ്.

മൂന്നു ഫെയ്സും സിംഗിള് ഫെയ്സും

2008-11-24T17:31:00.001-08:00

ചില വീടുകളില് മുന്നു ഫെയ്സ വൈദ്യുതിയും ചില വീടുകളില് സിംഗിള് ഫെയിസ് വൈദ്യുതിയുമാണു എന്നു കെട്ടിട്ടുണ്ടല്ലോ? ഇതെന്തിനാണെന്നും ഇതെന്താണെന്നു0 പരിശോധിക്കാം.
മുമ്പു പറഞ്ഞതു പോലെ സാധാരണ വീട്ടില് ഉപയോഗിക്കുന്ന ഒരു വീളക്കിനൊ മ്റ്റു വൈദ്യുത ഉപകരണത്തിനോ വൈദ്യുതലൈനുമായി ബന്ധിപ്പിക്കുന്നതു രണ്ടു കമ്പികളില് കൂടിയാണു. ഒരു കമ്പിക്കു ഫെയിസ് എന്നും മറ്റേ കമ്പിക്കു ന്യൂട്രല് എന്നും പറയുന്നു. ന്യ്യുട്രലില് അറിയാതെ കൈകൊണ്ടു തൊട്ടാല് കരണ്ടു അടിക്കുകയില്ല, കാരണം ഈ ഭാഗം ലൈനില് പല സ്ഥലത്തും ഭൂമിയോടു ബന്ധിപ്പിച്ചിരിക്കും. നിരത്തിന്റെ വശങ്ങളില് ഉള്ള പോസ്റ്റില് നിന്നു വീട്ടിലേക്കു വൈദ്യുതി എത്തിക്കുന്നതു രണ്ടു കമ്പി മാത്രം ഉപയോഗിച്ചാണെങ്കില് നിങ്ങളുടെ വീട്ടിലെ വൈദ്യുതി സിംഗിള് ഫെയിസ് ആണു. താരതമ്യേന ചെറിയതും ഇടത്തരവുമായ വീടുകളില് സിംഗിള് ഫെയിസ് വൈദ്യുതി മതിയാവും. എന്നാല് ഒരു വീട്ടിലെ വൈദ്യുതി ഉപകരണങ്ങളുടെ എണ്ണവും ഉപഭോഗവും ഒരു നിശ്ചിതമൂല്യത്തില് കൂടുതല് ആയാല് സിംഗിള് ഫെയിസ് പകരം മൂന്നു ഫെയിസ് വൈദ്യുതി വേണമെന്നു നിബന്ധനയുണ്ടു. വലിയ വീടുകളിലും ഫാക്ടറികളിലും മറ്റും ഇത്തരം വൈദ്യുതി വേണം.

സിംഗിള് ഫെയിസ് വൈദ്യുതിക്ക് രണ്ടു കമ്പി വേണമെന്നതു പൊലെ മൂന്നു ഫെയിസ് വൈദ്യുതിക്ക് കുറഞതു മൂന്നു കമ്പി വേണ്ടിവരും. വൈദ്യുതി പ്രേഷണം ചെയ്യുന്ന വലിയ ടവറുകളില് കൂടി വലിച്ചിരിക്കുന്ന കമ്പികള് മൂന്നെണ്ണം എങ്കിലും ഉണ്ടാവും. സാധാരണ സിംഗിള് ഫെയിസ് ലൈനില്‍ കൂടി കൊണ്ടുവരാവുന്ന വൈദ്യുതിയുടെ മൂന്നിരട്ടി വൈദ്യുതി മൂന്നു ഫെയിസ് ലൈനില് കൂടി കൊണ്ടുവരാം. അതായതു രണ്ടു ലൈനില് കൂടി കൊണ്ടുവരാവുന്ന ശക്തിയുടെ മൂന്നിരട്ടി മൂന്നു ലൈനില് കൂടി കൊണ്ടുവരാം. ലൈനില് ഉള്ള കമ്പി ചെമ്പുകമ്പിയാണു. കിലോമീറ്ററുകള് നീളം ഉള്ള ഈ ലൈനില് ഉപയോഗിക്കുന്ന ചെമ്പിന്റെ ചിലവു മൂന്നു ഫെയിസ് ഉപയോഗിച്ചാല് ഗണ്യമായി കുറക്കാം. ഇതാണു മൂന്നു ഫെയിസ് ഉപയോഗിക്കുന്നതിന്റെ പ്രധാന കാരണം. ലൈനുണ്ടാക്കാന് ഉപയോഗിക്ക്കുന്ന ചെമ്പിന്റെ ലാഭം.
മറ്റൊരു പ്രധാന മെച്ചം ഒരു നിശ്ചിത വൈദ്യുത ശക്തി അയക്കുന്നതിനു ലൈനില് കൂടി കൂറഞ്ഞ കരണ്ടു പ്രവഹിപ്പിച്ചാല് മതി എന്നതാണു. കരണ്ടു കുറയുമ്പോള് ലൈനില് ഉണ്ടാവുന്ന ഊറ്ജ നഷ്റ്റവും ഗണ്യമായി കുറയുന്നു. കരണ്ടു കുറവാണെങ്കില് ഉപയോഗിക്കുന്ന കമ്പിയുടെ ചുറ്റളവും കുറക്കാം. ചുരുക്കത്തില് മൂന്നു ഫെയിസ് ഉപയോഗിക്കുന്നതു കൊണ്ടു വൈദ്യുത ലൈനിന്റെ നിറ്മാണചിലവിലും ഉര്ജനഷ്ടത്തിലും കുറവു വരുത്താന് കഴിയും, പ്രത്യേകിച്ചും വൈദ്യുതി ഉല്പാദിപ്പിക്കുന്നത് വളരെ ദൂരസ്ഥലത്താകുംപോള്.
വേറൊരു മെച്ചം മുന്നു ഫെയിസ് ലൈനില് രണ്ടു തരം വോള്ടതയും എടുക്കാന് അവസരം ഉണ്ടു എന്നതാണ്. സാധാരണ മൂന്നു ലൈനുകള്കു ചുവപ്പു, മഞ്ഞ, നീല ( റെഡ്, യെല്ലോ, ബ്ലു) എന്നിങ്ങനെ നാമകരണം ചെയ്യുന്നു. ഈ മൂന്നു ലൈനില് ഏതെങ്കിലും രണ്ടു ലൈനുകള് തമ്മില് ഒരു നിശ്ചിത വോള്റ്റതയാണെങ്കില് ഇതില് ഒന്നും ന്യൂട്രലും തമ്മില് കുറഞ്ഞ വോള്ടത കിട്ടും. ഉദാഹരണത്തിന് നമ്മുടെ ചുറ്റും ഉള്ള വൈദ്യുത വിതരണ വ്യൂഹത്തില് രണ്ടു ലൈനുകള്‍കിടയില്‍ 400 വോള്‍ടാണു. എന്നാല്‍ ഒരു ലൈനും (ഫെയിസ്) ന്യുട്രലുമായി 230 വോള്ടാണു ഉള്ളത്. മിക്കവാറും വീട്ടുപകരണങ്ങള്‍ 230 വോല്ടില്‍ പ്രവര്‍ത്തിക്കുന്നു.
വലിയ മോടോറുകള് 400 വോള്ടിലും. എന്നാല്‍ മൂന്നു ഫെയിസ് വൈദ്യുതി എടുക്കുന്ന വീടുകളില് ആകെയുള്ള വൈദ്യുത ഭാരങ്ങളെ തുല്യമായി മുന്ന് ഫെയിസിലും പങ്കുവക്കുന്നു. വ്യൂഹത്തില് നിന്നു എടുക്കുന്ന കരണ്ടു തുല്യമാക്കാനാണ് ഇങ്ങനെ ചെയ്യുന്നത് . വീട്ടില് ഫെയിസ് വ്യതിയാനം വരുത്താന്‍ പറ്റിയ സ്വിച്ച് ( phase change over switch) ഉണ്ടെങ്കില്‍ ഏതെങ്കിലും ഒരു ഫെയിസില്‍ മാത്രം വൈദ്യുതി ഉള്ളപ്പോള്‍ അതിലേക്കു ബന്ധിപ്പിക്കുകയുമാവാം. അങ്ങനെ പല ഗുണങ്ങളും മു‌ന്നു ഫെയിസ് വൈദ്യുതിക്കുണ്ടു.

മു‌ന്നു ഫെയിസില്‍ ശക്തി (power) കണക്കാക്കല്‍

ഒരു ഫെയിസും ലൈനും തമ്മില്‍ വോല്ടത V യും
കരണ്ടു I യും ശക്തി ഗുണകം pf ഉം ആണെങ്കില്‍
ഒരു ഫെയിസിലെ ശക്തി = V. I .pf .
അങ്ങനെ മുന്ന് ഫെയിസുള്ളതുകൊണ്ടു
മൂന്നു ഫെയ്സിലും കൂടി ആകെ ശക്തി = 3. V. I . pf
ഒരു ഫെയിസും ന്യുട്രലും തമ്മില്‍ V ആണെങ്കില്‍ സാധാരണ രണ്ടു ലൈനുകള്‍ തമ്മില്‍ 1.732 V ആയിരിക്കും വോല്ടത. മുമ്പ് പറഞ്ഞതു പോലെ 400 = 1.732 . 230

രണ്ടു ലൈനുകള്‍കിടയില്‍ നില നില്‍കുന്നതിനു ലൈന്‍ വോല്ടത എന്ന് പറയുന്നു.
ഇതു VL ആണെങ്കില്‍ മൂന്നു ഫെയ്സിലെ ശക്തി = 1.732 . VL . I. pf = 3 V I. pf

എ സി ശക്തിയും ശക്തിഗുണകവും

2008-11-24T17:26:00.000-08:00

ചിത്രം 2. ഏ സി വൈദ്യുതിയില് വോള്ടത,കറണ്ടു, ശക്തി എന്നിവയുടെ തരംഗ രൂപങ്ങള്. നീല നിറത്തില് ഉള്ള കറണ്ടു, ചുവപ്പു നിറത്തില് ഉള്ള വോള്ടതയെക്കാള് പിന്നിലാണു. അതുകൊണ്ടു ഈ കറണ്ടിനു പിന് നില കറണ്ടെന്നു പറയുന്നു. ചിത്രത്തില് കറണ്ടു വോള്റ്ടതയുടെ 90 ഡിഗ്രീ പുറകില് ആണു.

ചിത്രം 1. ഏ സി വൈദ്യുതി സമയം അനുസരിച്ചു മാറുന്നതു കാണിച്ചിരിക്കുന്നു. 20 മില്ലി സെക്കണ്ടു കൊണ്ടു ഒരു ആവ്രിത്തി പൂറ്തിയാകുന്നു.

വൈദ്യുതി രണ്ടുതരം ഉണ്ടെന്നു മുമ്പു പറഞ്ഞല്ലൊ. ഏ സി യും ഡി സി യും . ഏ സി വൈദ്യുതിയുടെ ദിശ മാറിക്കൊണ്ടിരിക്കുന്നു. അതേ സമയം ഡി സി വൈദ്യുതിയാണെങ്കില് ദിശ മാറാതെയും ഇരിക്കും. കറണ്ടിന്റെ രീതിയും അങ്ങനെ തന്നെ. ഇന്നത്തെ വന്‍ കിട വൈദ്യുതകേന്ദ്രങ്ങളില് എല്ലാം ഉല്പാദിപ്പിക്കുന്നതു ഏ സി വൈദ്യുതി ആണു. ഡി സി വൈദ്യുതി പരിമിതമായി ഉല്പാദിപ്പിക്കപ്പെടുന്നു, ബാറ്റെറിയിലും മറ്റും ഡി സി വൈദ്യുതി ആണു ഉല്പാദിപ്പിക്കപ്പെടുന്നത് .

ശക്തി (power) കണക്കാക്കുന്നതു ഏ സി യിലും ഡി സി യിലും വേറെ രീതിയില് ആണു. ഡി സി യില് വോള്റ്റതയെ കരണ്ടു കൊണ്ടു ഗുണിച്ചാല് ശക്തി കിട്ടും. ഉദാഹരണത്തിനു 200 വോള്ടു വൈദ്യുതിയില് 10 ആമ്പിയറ് കറന്റെടുത്താല് ഉപയോഗിക്കുന്ന ശക്തി 200 x 10 = 2000 വാട്ടു അഥവാ 2 കിലോവാട്ടു. എന്നാല് ഏ സി യില് വോള്റ്റത്യെ കരണ്ടു കൊണ്ടു ഗുണിച്ചാല് കിട്ടുന്നതു വോള്ടാമ്പിയറ് എന്നാണു പറയുക. ഏ സി വൈദ്യുത യന്ത്രങ്ങളുടെ കഴിവും സാധാരണ വോള്ടാമ്പിയറിലാണു പറയുന്നതു. 100 കെ വി എ എന്നു പറഞാല് 1000 കിലോവോള്ടാമ്പിയറ്. ഏ സി യില് വൈദ്യുതശക്തി കണക്കാക്കാന് ഈ കെ വി ഏ യെ ഒരു ശക്തിഗുണകം എന്ന ഘടകം കൊണ്ടു ഗുണിക്കണം. ഇതിന്റെ മൂല്യം ഒന്നില് താഴെയാണു. മൊടോറുകളും മറ്റും പ്രവറ്തിപ്പിക്കുമ്പോള് എടുക്കുന്ന ശക്തി വോള്ടാമ്പിയറില് കുറവായിരിക്കും. ശരിയ്യായ ശക്തിയെ വോള്ടാമ്പിയറ് കൊണ്ടു ഹരിച്ചാല് കിട്ടുന്നതാണു ശക്തിഗുണകം.

എന്താണീ ശക്തി ഗുണകം? ഏ സി വൈദ്യുതി തരംഗ രൂപത്തില് ആയിരിക്കും. പൂജ്യത്തില് നിന്നു തുടങ്ങി പരമാവധി മൂല്യത്തില് എത്തി വീണ്ടും കുറഞ്ഞു പൂജ്യത്തില് ആയി വിപരീത ദിശയില് പരമാവധി എത്തി വീണ്ടും പൂജ്യത്തിലേക്കു എത്തുന്നു. (ചിത്രം ഒന്നു ശ്രദ്ധിക്കുക) ഈ പരിവ്രിത്തി വീണ്ടും വീണ്ടും ആവര്തിക്കുന്നു. ഈ ആവ്രിത്തികല് ഒരു സെക്കണ്ടില് എത്രാ പ്രാവശ്യം ഉണ്ടാകുന്നു എന്നുള്ളതാണു ആവ്രിത്തി അഥവാ ഫ്രീക്ക്വന്സി. ഫ്രീക്ക്വന്സി അളക്കുന്നതു ഹെര്‍ട്സ് എന്ന യൂണിറ്റിലാണു. നമ്മുടെ നാട്ടില് ഉപയോഗിക്കുന്ന ഏ സി വൈദ്യുതി ഒരു സെക്കണ്ടില് 50 ഹെര്‍ട്സ് ആണു. അമേരിക്കയില് 60 ഹെര്‍ട്സ് ആണു. വൈദ്യുത പ്രേഷണ വിതരണത്തിനു ഏറ്റവും അനുയോജ്യമായതു 50-60 വരെയുള്ല ഹെറ്ട്സാണു.

കരണ്ടിന്റെയും വോള്റ്റതയുടെയും തരംഗങ്ങല് ഒരേ സമയം, ഒരേ പോലെ കൂടുകയും കുറയുകയും ചെയ്യുന്നു എങ്കില് വോള്ടതയും കറണ്ടും ഒരേ ഫെയ്സില് ആണെന്നു പറയുന്നു. എങ്ങ്ന ആണെങ്കില് വോള്ടതയും കറണ്ടും ഒരേ സമയം പൂജ്യത്തിലും പരമാവധിയിലും എത്തും. നമ്മുടെ വീട്ടില് കത്തുന്ന സാധാരണ ലോഹതന്തു വിളക്കുകളില് എടുക്കുന്ന കറണ്ടു ഇത്തരം ആണു. ഇങ്ങനെയുള്ള കറണ്ടിന്റെ ശക്തിഗുണകം ഒന്നായിരിക്കും. അപ്പോള് ശക്തി വോള്ടതയും കറണ്ടും തമ്മില് ഗുണിച്ചാല് കിട്ടും. പക്ഷേ മോടോറിലും മറ്റും എടുക്കുന്ന കറണ്ടു വോല്ടതയുമായി പിന് നിലയിലാണു എന്നു പറയുന്നു. അതായതു വോള്ടത പരമാവധി എത്തി കഴിഞ്ഞാണു കറണ്ടു പരമാവധി എത്തുന്നതു. ഇത്തരം കറണ്ടിനു പിന്നാക്കം നില്കുന്ന കറണ്ടെന്നു പറയുന്നു. മറ്റു ചില ഉപകരണങ്ങളില് എടുക്കുന്ന കറണ്ടു മുന് നിലയിലായിരിക്കും. അതായതു കറണ്ടു വോള്റ്ടതയ്കു മുന്പില് പരമാവധി എത്തും. കപ്പാസിട്ടറ് എന്നു പറയുന്ന ഉപകരണം ഇത്തരം കറണ്ടാണു എടുക്കുന്നതു. സാധാരണ വൈദ്യുത വ്യൂഹങ്ങളില് എല്ലാം പിന് നിലയില് ഉള്ള കറണ്ടാണു പ്രവഹിക്കുന്നതു. ശക്തിഗുണകം കുറയുമ്പോള്‍ ഒരു ലൈനില്‍ കുടി കയറ്റി അയക്കാവുന്ന ശക്തിയും കുറയുന്നു. അതുകൊണ്ടു,ശക്തി ഗുണകം ഒന്നായിരിക്കുന്നതാണു നല്ലതു. എന്നാല് പരമാവധി ശക്തി പ്രയോജനപ്പെടുത്താം. കുറഞ്ഞ ശക്തി ഗുണകം വ്യവസായങ്ങളിലും മറ്റും അനേകം മോട്ടോറുകള് ഉപയോഗിക്കുന്നതു കൊണ്ടാണു. ശക്തിഗുണകം കൂട്ടാന് കപ്പാസിറ്ററ് ഉപയ്യൊഗിക്കാന് കഴിയും. ഒരു നിശ്ചിത ശക്തിയില് കൂടുതല് എടുക്കുന്ന മോട്ടോറുകളോടൊപ്പം കപ്പാസിട്ടറ് ഉപയ്യോഗിക്കണമെന്നു നിയമം ഉണ്ടു. ഉദഹരണത്തിനു അരിയും ഗോതമ്പും പൊടിക്കുന്ന ഫ്ലോറ് മില്ലില് മോട്ടോറിനോടൊപ്പം കപ്പാസിട്ടറ് കാണാം.

ഇടിമിന്നലില്‍ നിന്നു സംരക്ഷണം

2008-10-27T17:13:00.000-07:00

തുലാവര്ഷം കൊണ്ടുപിടിക്കുകയാണ്. സാധാരണ തുലാവര്ഷം ഇടിമിന്നലിന്റെ കൂടെയാണ് വരുന്നതു. ഇടിമിന്നലില് പല ഉപകരണങ്ങളും പെട്ടെന്നു തകരാറിലാവാറുണ്ട്. ഇത്തരം അപകടങ്ങള് ഒഴിവാക്കാന് കഴിയുമോ ? കുറെയൊക്കെ കഴിയും , തീര്ച്ച.

1. ഉപകരണങ്ങള് സ്വിച്ച് ഓഫ് ചെയ്യുക.

അത്യാവശ്യമായ വിളക്കുകളും തീരെ ഒഴിവാക്കാന് വയ്യാത്ത ഫാനും ഒഴിച്ച് മറ്റുപകരണങ്ങള് എല്ലാം ഓഫ് ചെയ്യുക. പ്രത്യേകിച്ചും കുടുതല് ശക്തി എടുക്കുന്ന ഫ്രിഡ്ജുട് ഹീടര്, ഇസ്തിരിപെട്ടി, ടെലിവിഷന് , എന്നിവ തീര്ച്ചയായും ഓഫ് ചെയ്യണം. വിലകുടുതല് ഉള്ള ഇവ ചീത്ത ആയാല് പോകുന്ന പണത്തിന്റെ കാര്യം മാത്രം ചിന്തിച്ചാല് മതി.

2. ഓഫ് ചെയ്താല് മാത്രം മതിയോ?

പോരാ. അതിനോടൊപ്പം തന്നെ അതാത് ഉപകരണത്തിന്റെ പ്ലഗ് ഊരിവയ്ക്കാനും ശ്രദ്ധിക്കുക. കാരണം പല ഉപകരണങ്ങളുടെയും പവര് സ്വിച്ച് വളരെ ചെറിയതായിരിക്കും. അതില്ക്കൂടി മിന്നലില് നിന്നുണ്ടാകുന്ന ഉയര്ന്ന വൈദ്യുതി പ്രവഹിക്കാന് സാധ്യതയുണ്ട്. ഇതൊഴിവാക്കാന് വേണ്ടി ആണ് പ്ലുഗ് ഊരി ഇടണമെന്ന് പറയുന്നതു. ഉപകരണത്തിന്റെ വലിപ്പം ചെറുതാകുന്തോറും സ്വിച്ചിന്റെ വലിപ്പവും കുറയുമല്ലോ.

3. മിന്നല് സംരക്ഷാ ചാലകം എന്താണ് ? അതുകൊണ്ടു പ്രയോജനം ഉണ്ടോ?

മിന്നല് സംരക്ഷാ ചാലകം സാധാരണ കെട്ടിടങ്ങലുടെ ഏറ്റവും ഉയര്ന്ന ഭാഗത്താണ് സ്ഥാപിക്കുന്നത്. അറ്റം കൂര്പിച്ച ഒരു കമ്പിയാണ് ഇതു. ഈ കമ്പി നല്ല കനമുള്ള ചെമ്പുതകിട് വഴി ഭുമിയുമായി ബന്ധിപിച്ചിരിക്കും, വളവും തിരിവും ഇല്ലാതെ. ഉയര്ന്ന ഭാഗത്തുണ്ടാകുന്ന മിന്നലില് നിന്നു വൈദ്യുതി പെട്ടെന്ന് ഭുമിയിലേക്ക് ധാരയായി പ്രവഹിപിക്കുകയാണു ഇതിന്റെ ലക്ഷ്യം. അതുകൊണ്ടു ഇത്തരം മിന്നല് സംരക്ഷകം കൊണ്ടു പ്രയോജനം ഉണ്ട്. ഇന്നത്തെ ഫ്ലാറ്റുകളില് ഇത്തരം സംരക്ഷകം തീര്ച്ചയായും സ്ഥാപിച്ചിരിക്കണം.

4. കമ്പ്യുട്ടിനും മറ്റും സംരക്ഷണത്തിനു ഒരു സാധനം കിട്ടും എന്ന് കേട്ടു. . അതെന്താണ് ?

മിന്നല് ഉണ്ടാകുമ്പോള് ഒരു വളരെ ഉയര്ന്ന വോല്ടതയിലുള്ള പ്രോല്കര്ഷം ( surge )ഉണ്ടാകുന്നു. ഈ പ്രോല്കര്ഷം ഒരു ഭാഗം ലൈനില് കൂടി നമ്മുടെ ഉപകരണത്ത്തിലെക്കും വരാം. ഇതിന്റെ ശക്തി കുറക്കാന് ആണ് ഇത്തരം ഉപകരണം ലൈനില് വയ്ക്കുന്നത്. വില്കുന്ന ആള്കാര് പറയുന്നത്ര ഫലം ഉണ്ടായില്ലെന്കിലും കുറെയൊക്കെ ഇതിന് ഇത്തരം ഉയര്ന്ന വോല്ടതയുറെ ശക്തി കുറക്കാന് കഴിയും. നല്ല കമ്പനിയുടെതു വാങ്ങുക, അല്പം വില കൂടിയാലും. surge absorber എന്നാണ് ഇതിന് പറയുന്നതു.

5. ഓരോ സ്വിച്ചിനും പകരം മെയിന് സ്വിച്ച് ഓഫ് ചെയ്താല് പോരെ?

പോരാ. മെയിന് സ്വിച്ച് ഓഫ് ചെയ്യുന്നതില് കുടുതല് ഫലപ്രദം അതാതു ഉപകരണത്തിന്റെ സ്വിച്ച് ഓഫ് ചെയ്യുകയ്യാണ്. വിളക്കുകള് കത്തികുകയും ആവാം. പരമാവധി ഒരു ബള്ബോ മറ്റോ മാത്രമല്ലേ പോകുകയുള്ളൂ. ഒരു പാടു മുറികളും മറ്റും ഉണ്ട് , എല്ലാ മുറിയിലും എത്തി സ്വിച്ച് ഓഫ് ചെയ്യാന് കഴിയുന്നിലെന്കില് ആദ്യം മെയിന് ഓഫ് ആകുക. ടോര്ച്ചോ മറ്റോ കൊണ്ടു നടന്നു ഓരോ പ്രധാനപെട്ട ഉപകരണത്തിന്റെയും സ്വിച്ച് ഓഫ് ആകുക. അവസാനം വേണമെന്കില് മെയിന് ഓണ് ആക്കാം.

6. വയറിങ്ങിനായി സാധനങള് തിരഞ്ഞെടുടുക്കുമ്പോള് ശ്രദ്ധിക്കേണ്ട കാര്യങ്ങള്

വിലക്കുറവിനെക്കാള് സാധനത്തിന്റെ ഗുണനിലവാരം ശ്രദ്ധിക്കുക. BIS മുദ്രയുള്ള കമ്പനിയുടെ സാധനങ്ങള് തന്നെ വാങ്ങിയാല് നന്നു. കഴിവതും വയറ്മാന് മാരെ മാത്റം ആശ്രയിക്കാതെ നമ്മള് കൂടി പോയി സാധനം വാങ്ങുക. പ്രധാനമായിട്ടും വയറും സ്വിച്ചുകളും ലൈറ്റ് ഫിറ്റിംഗ്സുമാണു ശ്രദ്ധിക്കേണ്ടതു. ഭംഗിയെക്കാള് ഉറപ്പും ഗുണനിലവാരവും ഉറപ്പുവരുത്തുക

7. എര്ത്തിങ് സംബന്ധമായി എന്താണ് ശ്രദ്ധിക്കേണ്ടത് ?

പവറ് എടുക്കന്ന ഫ്രിഡ്ജു, ഹീറ്ററ്, ഇസ്തിരിപ്പെട്ടി, കമ്പൂട്ടെറ് , റ്റി വി ഇവക്കെല്ലാം മുന്നു പിന് ഉള്ള പ്ലഗ് ഉപയോഗിക്കുക. ഇതില് മൂന്നാമത്തെ പിന് എര്തുമായി ബന്ധപ്പെടുത്താനാണ്. വീട്ടിലെ വയറിങ്ങു നല്ല രീതിയില് എര്ത്തു ചെയ്തിരിക്കണം. അതില് ഉപേക്ഷ വിചാരിക്കുന്നതു അപകടം ആണു. നല്ല നീളമുള്ള പൈപ്പു നല്ലവണ്ണം കുഴിച്ചു കരിയും ഉപ്പും കുഴിയില് നിറച്ചു തന്നെ പൈപ്പു താഴ്തണം. വേനല് കാലത്തു ആ കുഴിയില് കുറച്ചു വെള്ളം ഒഴിക്കുന്നതും നല്ലതാണ്.

For more information : http://www.inspect-ny.com/lightning/lightning.htm

ഇനിയും വൈദ്യുതി ചിലവു ചുരുക്കാം

2008-10-02T03:15:00.000-07:00

ഇതു വരെയും നമ്മള്‍ പ്രധാനമായും വിളക്കുകളുടെ ഉപയോഗത്തില്‍ എന്തു ലാഭം ഉണ്ടാക്കാമെന്നാണു പറഞ്ഞതു. ഇന്നു മിക്കവാറും എല്ലാ വീട്ടിലും വൈദ്യുതി മറ്റു പല ആവശ്യത്തിനും ഉപയോഗിക്കുന്നുണ്ടല്ലൊ. ഇവയില്‍ എന്തു ചെയ്യാം എന്നു നൊക്കാം.

1.പാചകം ചെയ്യുമ്പൊള്‍

വൈദ്യുതി ഉപയോഗിച്ചു ഭക്ഷണം പാചകം ചെയ്യാന്‍ പല ഉപകരണങ്നളും ഇന്നു കിട്ടുന്നുണ്ടു. വൈദ്യുത ഹീറ്ററ് ഉപയോഗിച്ചുള്ള പാചകം ആണു ഏറ്റവും കാര്യ്ക്ഷമത ഇല്ലാത്തതു. പ്രത്യേകിചും ചുരുളുകളായ താപന കോയില്‍ ഉപയോഗിക്കുന്നവ. കഴിവതും ഇതുപയോഗിക്കാതിരിക്കുക. പകരം മൈക്രോവേവ് ഓവെന്‍ ഉപയോഗിക്കുക. ഇതില്‍ ഒരോ സാധനം പാചകം ചെയ്യുമ്മ്പോഴും ക്രിത്യമായ സമയം ഉപയോഗിച്ചാല്‍ മതി. അല്പം പരിചയം കൊണ്ടു ഇതു ശീലമാക്കാം. കഴിവതും ഒന്നില്‍ കൂടുതല്‍ സാധനങ്ങള്‍ പാചകം ചെയ്യാന്‍ ഒരേ സമയത്തില്‍ കഴിയുമോ എന്നും ശ്രമിക്കണം. .

പാചകത്തില്‍ ശ്രധ്ഹിക്കേണ്ട മറ്റു ചില കാര്യങ്ങള്‍

ആവശ്യത്തിലധികം വെള്ളം ചേറ്കാതെ പാചകം ചെയ്യുക.

കടലയും പയറും പോലുള്ള ഉണങ്ങിയ പയറുവര്‍ഗങള്‍ തലേദിവസം വെള്ളത്തില്‍ കുതിറ്തു വച്ചതിനു ശേഷം വേവികുക.

വേവിക്കുമ്പോള്‍ പാത്രം ആവശ്യ്തിനു മാത്രം വലിപ്പമുള്ളവ ഉപയോഗിക്കുക. പരന്ന പാത്രം ഉപയോഗിക്കാന്‍ ശ്രദ്ധിക്കുക. ശരിയായ പാത്രം ഉപയോഗിച്ചാല്‍ പകുതിയിലേറെ ഊര്‍ജം കുറയ്ക്കാം.

വേവിക്കുമ്പോള്‍ പാത്രം നല്ലവണ്ണം അടച്ചുവക്കുക, ചൂടു നഷ്ടപ്പെടാതിരിക്കാന്‍.

ചൂടു വെള്ളം ഉണ്ടെങ്കില് തണുത്ത വെള്ളതിനുപകരം ചൂടു വെള്ളത്തില്‍ പാചകം ചെയ്യുക. പ്രത്യേകിചും സൌരഊര്‍ജം ഉപയോഗിക്കുന്നവര്‍കു ചൂടുവെള്ളത്തിനു ക്ഷാമം ഉണ്ടാവുകയില്ല. .

ഗ്യാസ് ഉപയൊഗിക്കുന്നവര്‍ ചെറിയ ബറ്ണറ് കഴിവതും ഉപയോഗിക്കുക.

ആവശ്യത്തിനുള്ളത്ര മാത്രം വെള്ളം ചൂടാകുക. ചൂടായ വെള്ളത്തില്‍ തണുത്ത വെള്ളം ഒഴിച്ചു തണുപ്പിക്കുന്നതില്‍ ഭേദം ആവശ്യത്തിനു മാത്രം വെള്ളം ചൂടാക്കുന്നതല്ലെ?

2. ഫ്രിഡ്ജു ഉപയോഗിക്കുമ്പോള്‍

ഒരു സാധാരണ വീട്ടിലെ കറണ്ടു ചാര്‍ജില്‍ എറ്റവും കൂടുതല്‍ ഫ്രിഡ്ജും ഹീറ്ററും ആണു ഉപയോഗികുന്നതു. അതുകൊണ്ടു ഇവയുടെ ഉപയോഗത്തില്‍ ശ്രദ്ധിച്ചേ പറ്റൂ.

ഫ്രിഡ്ജിന്റെ വാതില്‍കൂടുതല്‍ സമയം തുറന്നുവക്കാതിരിക്കുക. സാധനങ്ങള്‍ വക്കാനും എടുക്കാനും ആവശ്യത്തിനു സമയം മാത്രം വാതില്‍ തുറക്കുക. വാതില്‍ നല്ല വണ്ണം അടഞ്ഞോ എന്നു ശ്രദ്ധിക്കുക. ആഴ്ചയിലൊരിക്കല്‍ എങ്കിലും സാധാരണ ഫ്രിഡ്ജു ഡീഫ്രോസ്റ്റു ചെയ്യുക. കഴിവതും ആട്ടൊമാറ്റിക് ഡീഫ്രോസ്റ്റു ചെയ്യുന്ന ഫ്രിഡ്ജു കൂടുതല്‍ വൈദ്യുതി ഉപയൊഗിക്കുന്നു എന്നു മനസ്സിലാകുക. അവയില്‍ ഡീഫ്രോസ്റ്റു ചെയ്യുന്നതിനു ഒരു ഹീറ്റര്‍ ഉപയോഗിക്കുന്നുന്ണ്ടു. ഡീഫ്രോസ്റ്റു ചെയ്യുന്ന സമയത്തു ഈ ഹീറ്റര്‍ പ്രവര്‍തിപ്പിച്ചാണു ഐസ് ഉരുക്കുന്നതു. അല്പം സമയം കൂടിയാലും സ്വാഭാവിക രീതിയില്‍ ഡീഫ്രോസ്റ്റു ചെയ്യുക. ഫ്രിഡ്ജില്‍ സാധനങ്ങള്‍ വലിച്ചു വാരി ഇടാതെ തണുത്ത വായു എല്ലായിടത്തും എത്തതക്ക വിധത്തില്‍ വയ്കുക. ചിലപ്പോള്‍ ഫ്രിഡ്ജിലെ സാധനങ്ങള്‍ ചീത്തയാകുന്നതു ആവശ്യത്തിനു തണുക്കാത്തതു കൊണ്ടാണു എന്നറിയാമല്ലൊ.

3.ഇസ്തിരിപ്പെട്ടിയുടെ ഉപയോഗം

പല വീടുകളിലും കുട്ടികളുടെയും ആപ്പീസില്‍ പോകുന്നവരുടെയും വസ്ത്രങ്ങള്‍ അന്നന്നു രാവിലെ ഇസ്തിരിയിടുന്നതു കാണാറുണ്ടു. ഇസ്തിരിപ്പെട്ടി ഒരോ പ്രാവശ്യവും ചൂടായി തണുക്കുന്നതു കൊണ്ടു കുറെയധികം ഊര്‍ജം നഷ്ടപെടുന്നു. ആഴചയില്‍ ഒരിക്കല്‍ എല്ലാം ഇസ്തിരി ഇടുകയാണെണ്‍കില്‍ ഉര്ജനഷ്ടം ഒരിക്കല്‍ മാത്രമേ ഉണ്ടാവുകയുള്ളൂ. അവരവരുടെ വസ്ത്രങ്ങള്‍ അവരവര്‍ തന്നെ ഇസ്തിരിയിടുന്ന ശീലം നല്ലതാണു. (ഇപ്പോള്‍ പലരും ഇസ്തിരിക്കടയില്‍ കൊടുത്തു ഇസ്തിരി ഇടുന്ന പതിവു കാണുന്നുണ്ടു, പണം എണ്ണി കൊടുത്താല്‍ മതിയല്ലോ). റെഗുലേറ്ററ് ഉള്ള ഇസ്തിരിപ്പെട്ടിയാണെണ്‍കില്‍ നല്ലതു. കൂടുതല്‍ ചൂടു വേണ്ട വസ്ത്രങ്ങള്‍ ആദ്യം ഇസ്തിരിരിയിടുക, ചൂടു കുറച്ചു വേണ്ടവ ഇസ്തിരിപ്പെട്ടി ഓഫാകിയിട്ടുതന്നെ തേച്ചെടുക്കാം. ഇസ്തിരിപ്പെട്ടി ധാരാളം വൈദ്യുതി ഉപയോഗിക്കുന്നു എന്നുള്ളതു കൊണ്ടു ഇതു കൊണ്ടും വൈദ്യുതി ലാഭിക്കാം.

4.അലക്കുയന്ത്രം ഉപയോഗിക്കുന്നവറ്കു വേണ്ടി

ഇന്നു മിക്ക വീടുകളിലും അലക്കുയന്ത്രം ഉപയോഗിക്കുന്നു. ഒട്ടൊമാറ്റിക്കും സെമി ഒട്ടൊമാറ്റിക്കും ഉണ്ടു ഇതില്‍. തുണിയിലെ വെള്ളം കളയാന്‍ വേണ്ടി ഡ്രയറ് ഉള്ളതു തന്നെ രണ്ടു തരം ഉണ്ടു. ചുറ്റുന്ന (സ്പിന്‍) തരവും ടംബ്ലു (ഇളകുന്ന) ചെയ്യുന്ന തരവും. ഇതില്‍ കൂടുതല്‍ നല്ലതു ചുറ്റുന്ന (സ്പിന്‍) തരമാണു. മുഴുവന്‍ മെഷീനില്‍ തന്നെ ഉണക്കാന്‍ ശ്രമിക്കേണ്ട. ഒരു അയല്‍ കെട്ടി സൂര്യപ്രകാശത്തില്‍ ഉണക്കിയാല്‍ തുണിക്കും നല്ലതു, ഊര്‍ജവും ലാഭം. സൂര്യപ്രകാശത്തില്‍ ഉണങ്ങിയാല്‍ അണുക്കള്‍കും നാശമുണ്ടാവുന്നു എന്നു പറയുന്നു.

4.കമ്പ്യൂട്ടറ് ഉപയോഗിക്കുന്നവര്‍

പുതിയ കമ്പ്യൂട്ടറ് വങ്ങുമ്പോള്‍ സധാരണ റ്റി വി പോലുള്ള സി ആറ് റ്റി മോണിട്ടറിനു പകരം എല്‍ സി ഡി മോണിട്ടറ് വാങ്ങുക. മോണിട്ട്റ് ആണു 60% ലധികം വൈദ്യുതി ഉപയോഗിക്കുന്നതു. എല്‍ സി ഡി മോണിട്ടറ് ഉപയോഗിച്ചാല്‍ ആദ്യം അല്പം ചിലവു കൂടിയാലും കാലപ്പഴക്കത്തില്‍ ലാഭം ഉണ്ടാവും. കമ്പ്യുട്ടറില് ഊര്ജചിലവു കുറക്കാന്‍ ചില മാര്‍ഗ്ങ്ങള്‍ ഉണ്ടു. ആരും ഉപയോഗിക്കാത്ത സമയത്തു ആദ്യം സ്ക്രീന്‍ സേവറ് മോഡിലും പിന്നീടു സ്റ്റാന്‍ഡ് ബൈ മോഡിലും ആക്കാനും അവസാനം മോണ്ട്ടറൂം കമ്മ്പ്യൂട്ടറൂം സ്വയം ഓഫാക്കാനും വരെ കഴിയും. ഇതുക്കൊണ്ടു കമ്പ്യൂട്ടറ് മോണിട്ടറിന്റെ ജീവിതകാലം കൂട്ടൂവാനും കഴിയും.

5.വീട്ടില്‍ ഇന്വെര്‍ട്ടര് ഉപയോഗിക്കുമ്പോള്‍

പല വീടുകളിലും വൈദ്യുതി ഇല്ലാത്തപ്പോള്‍ ഉപയോഗിക്കാന്‍ ഇന്വെറ്ട്ടറ് വയ്കുന്നു. അത്യാവശ്യത്തിനു മാത്രം ശക്തിയുള്ള ഇന്വെട്ടറ് മതിയാവും. ഒന്നൊ രണ്ടോ വിളക്കും ഫാനും മാത്രം പ്രവര്‍തിപ്പിക്കാന്‍ ആവശ്യമായവ. കാരണം കറണ്ടു വരുമ്പോള്‍ നമ്മള്‍ ഇന്വെട്ടരില്‍ നിന്നുപയോഗിച്ച വൈദ്യുതിയുടെ മൂന്നിരട്ടിയിലധികം ഇന്വെര്‍ട്റ്ററിന്റെ ബാട്ടെറി ചാര്‍ജു ചെയ്യാന്‍ എടുക്കേണ്ടി വരുന്നു. വാങ്ങിക്കുമ്പോള്‍ നല്ല കമ്പനിയുടെ ഇന്വെട്ടറ് മാത്രം നല്ല ഇനം ബാട്ടെറിയോടുകൂടി വാങ്ങുക. തുടക്കത്തിലെ ലാഭം ഇവിടെയും കാലം ചെല്ലുമ്പോള്‍ കനത്ത നഷ്ടത്തിനു കാരണം ആവും.

6. റ്റി വി ഉപയോഗിക്കുംപോള്‍

ഇന്നെല്ലാവരും റിമോട്ടു കൊണ്ടാണല്ലോ റ്റി വി പ്രവര്‍തിപ്പിക്കുന്നതു. കസേരയില്‍ ഇരുന്നുകൊണ്ടു തന്നെ എല്ലാം ചെയ്യാമല്ലൊ. എന്നാല്‍ റിമോട്ടു കൊണ്ടു റ്റി വി ഓഫാക്കുമ്പോല്‍ ഒരു ചുവന്ന ബള്‍ബു കത്തുന്നതു കാണുന്നില്ലേ? ഇതു കാണിക്കുന്നതു നിങ്ങളുടെ റ്റി വി പൂറ്ണമായും ഓഫായില്ല എന്നാണു. അതു സ്റ്റാന്ട് ബൈ മോഡില്‍ ആണു. അതായതു കുറച്ചു വൈദുതി ലൈനില്‍ നിന്നു എടുക്കുന്നുണ്ടു. പൂറ്ണമായും വൈദ്യുതബന്ധം വിച്ചേദിക്കണമെങ്കില്‍ വൈദ്യുത സ്വിച്ചു ഓഫാക്കണം. ഇടിയും മിന്നലും ഉള്ളപ്പോള്‍ പ്ലുഗ്ഗു ഊരി വക്കുന്നതും റ്റി വി യുടെ സംരക്ഷണത്തിനു നല്ലതു. അല്പം വ്യായാമവും ആവും, പെട്ടെന്നു അടുക്കളയിലേക്കു പോയി തിരിച്കുവരുന്നതു പോലെയുള്ള ചെറിയ സമയം മാത്രമേ ഉള്ളെങ്കില്‍ റിമോട്ടില്‍ ഓഫാക്കിയാല്‍ മതി.

7. മറ്റു ഊര്‍ജങ്ങള്‍ ഉപയോഗിക്കാന്‍ ശ്രമിക്കുക.

വീട്ടില്‍ മറ്റു ഉര്‍ജം ഏതെങ്കിലും ഉപയോഗിക്കാന്‍ കഴിയുമോ എന്നു നോക്കുക. ബയൊഗ്ഗ്യാസ് , സൌര ഊര്‍ജം എന്നിവ. ഭാഗികമായെങ്കിലും ഉപയോഗിക്കാന്‍ കഴിഞാല്‍ നല്ലതു. നമുക്കും മറ്റുള്ളവറ്കും..

വൈദ്യുതി ചെലവ് കുറക്കാന്‍ മറ്റു ചില മാര്‍ഗങ്ങള്‍

2008-09-29T01:33:00.000-07:00

വിളക്കുകള്‍ മാറ്റുകയല്ലാതെ മറ്റു മാര്‍ഗങ്ങള് എന്തൊക്കെയെന്നു നോക്കാം.

1 . സാധാരണ (നീളമുള്ള) ട്യൂബ് ലൈറ്റിന്റെ ചോക്കുകള്‍.

രണ്ടു തരം ചോക്കുകള്‍ ഇന്നു കിട്ടും, സാധാരണ ചോക്കും, ഇലക്ട്രോണിക് ചോക്കും. സാധാരണ ചോക്കുകള്‍ ഒരു ട്യുബിനു 30-40 വാട്ട് വരെ ഉപയോഗിക്കുന്നു. എന്നാല്‍ ഇലക്ട്രോണിക് ചോക്കാണെങ്കില് ഇതു 20-30 വാട് വരെ ആയി കുറക്കാന്‍ കഴിയും. അതുകൊണ്ടു പുതിയ ട്യുബെ ലൈറ്റുകള് വാങ്ങുമ്പോള്‍ തീര്ച്ചയായും ഇലക്ട്രോണിക് ചോക്കുള്ളത് വാങ്ങുക. പഴയതിന്റെ ചോക്കോ മറ്റോ തകരാറിലാകുംപോള് ഇലക്ട്രോണിക് ചോക്ക് മാറ്റി സ്ഥാപിക്കുക. ഇലക്ട്രോണിക് ചോക്കുപയോഗിച്ചാല് വിളക്കുകള്‍ മിന്നുന്നത് ഒഴിവാക്കാം. അവ ചൂടാകാത്തത് കൊണ്ടു എ സി യുടെ ഉപയോഗവും കുറയും.

2 . ഇലക്ട്രോണിക് ഫാന്‍ റെഗുലേടര്‍ഉപയോഗിക്കുക.

സാധാരണ (പഴയ തരം) ഫാന്‍ റെഗുലേടര്‍ വേഗത കുറക്കാന്‍ ലൈനില്‍ നിന്നു കിട്ടുന്ന വോല്ടതയുടെ ഒരു ഭാഗം ഒരു പ്രതിരോധത്തില്‍ ( resistance ) വീഴ്ത്തിയാണ് ചെയ്യുന്നത്. ഇതു കൊണ്ടു വേഗത കുറഞ്ഞാലും ഇല്ലെങ്കിലും എടുക്കുന്ന വൈദ്യുതിയില്‍ കുറവൊന്നും ഉണ്ടാകുന്നില്ല. എന്നാല്‍ ഇലക്ട്രോണിക് റെഗുലേടര്‍ അധികം വൈദ്യുതി നഷ്ടം വരുന്നില്ല. അത് ചൂടാവുകയും ഇല്ല. ഉര്‍ജനഷ്ടം ഇതു കൊണ്ടു കുറയുന്നു. കുറഞ്ഞ വേഗതയില്‍ കുറഞ്ഞ ഉര്ജം ചിലവാകും, ഇത്തരം റെഗുലേടറില്‍. അത് കൊണ്ടു കഴിവതും ഇലക്ട്രോണിക് റെഗുലേടര്‍ ഉപയോഗിക്കു ചെലവ് ഏതാണ്ട്t നാലിരട്ടിയാകുമെന്കിലും ക്രമേണ നഷ്ടം ലാഭമായി മാറും .

3. വിളക്കുകളുടെ വാടജ് ശ്രദ്ധാപൂര്‍വ്വം കുറയ്ക്കുക.

ചില വിളക്കുകള്‍, പ്രത്യേകിച്ചും രാത്രി മുഴുവന്‍ കത്തുന്നവ, ( ഉദാഹരണത്തിന് കോണിപ്പടിയിലെ വിളക്ക്) കഴിവതും കുറഞ്ഞ വാട്ടുള്ളതാകുക. ആവശ്യത്തിനു വെളിച്ചം കിട്ടാന്‍ മാത്രം. അതുപോലെ ഗേറ്റ് ലാംപും പുറത്തേയ്ക്കുള്ള മറ്റു വിളക്കുകളും കഴിവതും വാട്ടജ് കുറച്ചാല്‍ ലാഭമുണ്ടാകും.

4. പകല്‍ സമയത്ത് വിളക്കുകള്‍ ഉപയോഗിക്കേണ്ടി വരാത്ത വിധം പകല്‍ വെളിച്ചം കിട്ടുന്ന രീതിയില്‍ മുറികളുടെ ജനാലയും മാറും തുറന്നിടുക. ജനാല വിരികള്‍ വെളിച്ചം കടത്തി വിടുന്നതായി തിരഞ്ഞെടുക്കുക. കഴിയുമെന്കില്‍ സൂര്യ പ്രകാശം കടക്കുവാന്‍ കണ്ണാടി ഓടുകള്‍ മേല്പുരടില്‍ പതിക്കുക, നിര്‍മാണസമയത്ത് തന്നെ.

5. ഇപ്പോള്‍ 36 വാട്ടിന്‍ടെ ട്യുബ് ലൈറ്റുകള്‍ ലഭ്യമാണ്. അടുത്ത തവണ ട്യുബ് വാങ്ങുമ്പോള്‍ 36 വാട്ട് എന്ന് പറഞ്ഞു വാങ്ങുക, 40 വാട്ടിനു പകരം. ചിലപ്പോള്‍ കുറഞ്ഞ വാട്ടിന്റെ ട്യുബിന്റെ കൂടെ പഴയ ചോക്ക് ചൂടായേക്കാം, അങ്ങനെയാണെങ്കില്‍ രണ്ടും മാറുകയാണ് നല്ലത്.

6. വിധ മുറികളില്‍ ആവശ്യത്തിനു മാത്രം പ്രകാശം തരുന്ന വിളക്കുകള്‍ ഉപയോഗിക്കുക. ഉദാഹരണത്തിന് കിടപ്പ് മുറിയില്‍ പ്രകാശം കുറച്ചുമതി. എന്നാല്‍ സ്വീകരണമുറിയിലും പഠനമുറിയിലും നല്ല പ്രകാശം വേണം. പഠനമുറിയില്‍ ഒറ്റക്കാണെങ്കില് മേശവിളക്കാണു നല്ലത്.

7. വിളക്കുകളുടെ ഷേഡും മാറും വൃത്തിയാകി സൂക്ഷിക്കുക. എന്നാല്‍ വെളിച്ച്ചക്കുരവ് അനുഭവപ്പെടുകയില്ല.

8. വലിയവരും ചെറിയവരും വ്യത്യാസമില്ലാതെ ഉര്‍ജത്തിന്റെ ഉപയോഗത്തെപ്പറ്റിയും ദുരുപയോഗത്തെപ്പറ്റിയും ബോധവാന്മാരായിരിക്കുക. മുറിയില്‍ നിന്നു പുറത്തു പോകുമ്പൊള്‍ അറിയാതെ തന്നെ സ്വിച്ചിലേക്ക് കൈ എത്തുന്നത്‌ ശീലം ആകുന്നതു വരെ.

എല്‍ ഈ ഡി വിളക്കുകള്‍ കൂടുതല്‍ ലാഭം, പക്ഷെ .....

2008-09-27T02:20:00.000-07:00

<...........................................എല്‍ ഈ ഡി വിളക്കുകള്‍ ...................................................>

.........................................................ഒരൊറ്റ എല്‍ ഈ ഡി....................................................................

എല്‍ ഈ ഡി ഉപയോഗിക്കുന്ന വിളക്കുകള്‍ സി എഫ് എല്‍ വിളക്കുകളെക്കാള്‍ ഊര്ജ ലാഭമുള്ളതാണ് . ആദ്യമായി എന്താണ് ഈ എല്‍ ഈ ഡി എന്ന് നോക്കാം. light emitting diode എന്ന നാമത്തിന്റെ ചുരുക്കമാണ് എല്‍ ഈ ഡി. ഡയോഡ് എന്നത് വൈദ്യുതിയെ ഒരു ദിശയില്‍ മാത്രം കടത്തിവിടുന്ന ഒര്ടു ഇലക്ട്രോണിക് ഉപകരണമാണ്. മുന്പ് ഒരു ബ്ലോഗില്‍ പറഞ്ഞ എ സി യെ ഡി സി ആക്കി മാറാന്‍ ഉപയോഗിക്കുന്നതു ഇതാണ്, നമ്മുടെ ട്രാന്സിസ്ടര്‍ റേഡിയോവുംസെല്‍ഫോണും ഒക്കെ പ്രവര്‍ത്തിപ്പിക്കാന്‍ ഡി സി വേണം. ലൈനില്‍ നിന്നു കിട്ടുന്ന എ സി , ഡി സി ആക്കി മാറ്റാന്‍ ഡയോഡ് വേണം. പ്രകാശം പുറപ്പെടുവിക്കാന്‍ കഴിവുള്ള ഡയോഡ് ആണ് എല്‍ ഇ ഡി. പല ഇലക്ട്രോണിക് ഉപകരണങ്ങളും ഓണ്‍ ആണോ ഓഫ് ആണോ എന്ന് തിരിച്ചര്യാന്‍ എ‌ എല്‍ ഇ ഡി കത്തിച്ചാണ് അറിയിക്കുക. ഓണ്‍ ആണെന്കില്‍ ചുവപ്പ് എല്‍ ഈ ഡി തെളിഞ്ഞിരിക്കും. അപകട അറിയിപ്പുപോലെ. വളരെ കുറച്ചു വെളിച്ചം മാത്രമേ ഒരു എല്‍ ഈ ഡി ക്ക് ഉണ്ടാകുവാന്‍ കഴിയു‌. അതുകൊണ്ടു എല്‍ ഈ ഡി യുടെ ഒരു നിര ( array ) തന്നെ വേണം ആവശ്യത്തിനു പ്രകാശം ലഭിക്കുവാന്‍. ഇക്കാരണത്താല്‍‍ എല്‍ ഈ ഡി വിളക്കുകല്ക് ഇന്നു അല്പം വിലക്കുടുതല്‍ ആണ്. ഇന്ത്യയില്‍ ഫിലിപ്സ് പുറത്തിറക്കിയ എല്‍ ഈ ഡി വിളക്കുകള്‍കു 270 മുതല്‍ 750 രൂപ വരെ വിലയുണ്ട്‌. എല്‍ സി ഡി യെകാള് വളരെ കൂടിയ ഊര്ജ ലാഭവും ജീവിത ദൈര്ഘൃവും ഇവക്കുണ്ട്. വലിപ്പക്കുറവും ഏതു കളറിലും കിട്ടുമെന്നതും ഡിജിറ്റല്‍ സങ്കേതമുപയോഗിച്ചു പ്രോഗ്രാം ചെയ്യാമെന്നതും ഇതിന്റെ മറ്റു പ്രത്യേകതകളാണ്. മനുഷ്യര്‍ക്ക് അപകടമുണ്ടാക്കാവുന്ന തരം റേഡിയേഷന്‍ ഉണ്ടാക്കുന്നില്ല എന്നതും, മേര്‍കുറി ഉപയോഗിക്കുന്നില്ല്ല എന്നതും അനുകൂല ഘടകമാണ്.അലങ്കാര വിലക്കുകള്ക് എല്‍ ഈ ഡി ഇന്നും ധാരാളമായി ഉപയോഗിക്കുന്നുണ്ട്. ചുരുക്കത്തില്‍ ഭാവിയിലെ വിളക്കുകള്‍ ആണ് എല്‍ ഈ ഡി വിളക്കുകള്‍ എന്ന് നിസ്സംശയം പറയാം.ഇന്നത്തെ വിലയ്ക്‌ പലരും വാങ്ങാന്‍ മടിക്കുമെന്കിലും.നിര്‍മാണ രീതിയിലും ഉപയോഗിക്കുന്ന വസ്തുക്കളുടെ ലഭ്യതയും മെച്ച്ചപ്പെടുന്നതനിസരിച്ചു വിലയില്‍ കുറവുണ്ടാകും.

സി എഫ് എല്‍ വിളക്കുകളെപ്പറ്റിത്തന്നെ

2008-09-25T16:41:00.000-07:00

സി എഫ് എല്‍ വിളക്കുകള് ലാഭകരമാണെന്ന് പറഞ്ഞു. അതെങ്ങനെ എന്ന് നോക്കാം.
ഒരു വീട്ടില്‍ 10 വിളക്കുകളാണെന്നിരിക്കട്ടെ. സാധാരണ ബള്‍ബുകള്‍ 60 വാട്ടെന്കിലും
വേണ്ടിവരും. ശരാശരി 6 മണിക്കൂര്‍ ഇവ പ്രവര്തിക്കുന്നെന്കില്‍ ഒരു ദിവസം ഉപയോഗിക്കുന്ന യുനിടുകള്‍ = 10 X 60 X 6 = 3600 വാറ്റ് മണിക്കൂര്‍ = 3.6 യുണിറ്റ്
അതേസമയം സി എഫ് എല്‍ ആണെന്കില്‍ 15 വാട്ട് മതിയാവും. ഇതേസമയം
സി എഫ് എല്‍ ഉപയോഗിക്കുന്ന യുനിടു= 10 X 15 X 6 = 900 വാറ്റ് മണിക്കൂര്‍ = 0.9 യുണിറ്റ്. അതായത് ഒരു ദിവസം തന്നെ 2.7 യുനിടു ലാഭം. പക്ഷെ തുടക്കത്തിലെ ചെലവു കൂടുതലാണ്. ഒരു ബള്‍ബിനു 10 രുപയാകുംപോള്‍ നല്ല ഇനം സി എഫ് എല്‍ നു 100 രുപയെന്കിലും ആവും. എന്നാല്‍ സി എഫ് എല്‍ കുറഞ്ഞത് ഒരു വര്‍ഷമെങ്കിലും കേടുകുടാതെ ഉപയോഗിക്കാം. സാധാരണ ബള്‍ബുകള്‍ മുന്ന് മാസമെന്കിലും നിന്നാല്‍ ഭാഗ്യം. അതായത് ഒരു സി എഫ് എല്‍ ഉപയോഗിക്കുന്ന സമയത്തു നാലിലധികം ബള്‍ബുകള്‍ ഉപയോഗിക്കേണ്ടി വരുന്നു. ആപ്പോള്‍ തുടക്കചിലവ് സാധാരണ ബള്ബുകള്ക്കു 400 രൂപയും സി എഫ് എല്‍ നു 1000 രൂപയും ആയിരിക്കും.
ഇപ്പോഴത്തെ കരണ്ടു ചാര്‍ജു നിരക്കില്‍ ലാഭം ഒരു മാസത്തില്‍ 81 രൂപയും, മുന്ന് മാസത്തില്‍ 243 രൂപയും ഒരു് വര്‍ഷത്തില്‍ 972 രൂപയും ആയിരിക്കും. തുടക്ക ചിലവിലുള്ള വ്യത്യാസം കണക്കാകിയാല്‍ ഒരു വര്‍ഷത്തില്‍ 572 ലാഭം ഉണ്ടാകും. അതായത് സി എഫ് എല്‍ വിളക്കിന്റെ തുടക്ക ചിലവിന്റെ പകുതിയില്‍ അധികം ലാഭം കിട്ടുമെന്ന് കാണാം.
സി എഫ് എലിന്ടെ മറ്റു പ്രത്യേകതകള്‍.
മെച്ചങ്ങള്‍
1. ബള്‍ബുകള്‍ പോലെ ചൂടാകുന്നില്ല.
2. സാധാരണ ബള്‍ബുകളെ ക്കാള്‍ പത്തിരട്ടി കാലം നില നില്കുന്നു.
3. ഉപയോഗിക്കുന്ന ഉര്ജം 70% ലധികം കുറവ്.
4. സാധാരണ ബള്‍ബുകളെക്കാള്‍ നല്ല വെളിച്ചം തരുന്നു.
5. വായിക്കാനുപയോഗിക്കുന്ന ടേബിള്‍ ലാമ്പായി വളരെ നല്ലത്.
ദൂഷ്യങ്ങള്
1. വെളിച്ചം കുറയ്ക്കാനുള്ള ദിമ്മാര്‍ സ്വിച്ചുമായി ഉപയോഗിക്കാന്‍ പറ്റുകയില്ല.
2. വില കുറഞ്ഞ തരം സി എഫ് എല്‍ പെട്ടെന്ന് ചീത്തയാകുന്നു. നല്ല ബ്രാന്‍ഡുകള്‍ വാങ്ങണം.
ഇപ്പോള്‍ ഒരു വര്ഷം ഗാരന്റിയുള്ളത് കിട്ടുന്നുണ്ട്.
3. സ്വിച്ചിട്ടു കഴിഞ്ഞു ഒന്നു രണ്ടു മിനിട്ടു കഴിഞ്ഞേ വെളിച്ചം തരുന്നുള്ളൂ.
4. ചെറിയ അളവ് മെര്കുറി ഇതില്‍ അടങ്ങിയിരിക്കുന്നു, പരിസരവാദികള്‍ വഴക്കുണ്ടാക്കേണ്ട, വളരെ കുറച്ചു
മാത്രം.

പാഠം രണ്ടു : സാധാരണ ബള്‍ബുകള്‍ വേണ്ടേ വേണ്ട

2008-09-24T01:32:00.000-07:00

കോമ്പാക്റ്റ് ഫ്ലുരസേന്റ്റ് ലാമ്പ് (CFL)

എഡിസണ്‍ ഉണ്ടാകിയ ലോഹതന്തുക്കള്‍ (filament) ഉപയോഗിക്കുന്ന സാധാരണ ബള്‍ബുകള്‍ ഇന്നു വിരളമായി ക്കൊണ്ടിരിക്കുന്നു. ഇതിനുള്ള പ്രധാന കാരണം ഇവ കൂടുതല്‍ ഉര്ജം ഉപയോഗിച്ചു കുറച്ചു വെളിച്ചം തരുന്നു എന്നതാണ്. ഈ ബള്‍ബിനുള്ളിലുള്ള ലോഹതന്തുക്കള്‍ ചൂടായി ശുഭ്ര തപ്തമായാല്‍ മാത്രമെ വെളിച്ചം കിട്ടുകയുള്ളൂ. അല്ലെങ്കില്‍ അവ ചുവന്നു തന്നെ കാണപ്പെടും. ലൈനില്‍ നിന്നെടുക്കുന്ന വൈദ്യുതിയുടെ 30 ശതമാനം മാത്രമെ വെളിച്ചമായി മാറുന്നുള്ളൂ. ബാക്കി വെറുതെ നഷ്ടപ്പെടുകയാണ്. അതുകൊണ്ടാണ് സാധാരണ ബള്‍ബുകള്‍ വേണ്ട എന്ന് പറഞ്ഞതു. ട്യുബ് ലൈറ്റും കോമ്പാക്റ്റ് ഫ്ലുരസന്റ്റ് ലാംപും ഉര്‍ജനഷ്ടത്ത്തില്‍ അത്ര കുറ്റക്കാരല്ല. 100 വാട്ടുള്ള ബള്‍ബിന്റെ വെളിച്ചം 40 വാട്ടുള്ള ട്യുബ് ലൈറ്റിനു തരാന്‍ കഴിയും. സാധാരണ ബള്‍ബിനെക്കാള്‍ ഏകദേശം അഞ്ചിരട്ടി കാലം പ്രവര്‍ത്തിപ്പിക്കാനും കഴിയും. ചുരുക്കത്തില്‍, തുടക്കത്തിലെ കൂടുതല്‍ ചിലവ് ഏതാനും മാസങ്ങളുടെ വൈദ്യുത ബില്ലിലെ കുറവ് കൊണ്ടു നികത്താം.
എന്നാല്‍ സി എഫ് എല്‍ (CFL) എന്ന ചുരുക്കപ്പേര് കൊണ്ടറിയപ്പെടുന്ന കോമ്പാക്റ്റ് ഫ്ലുരസന്റ്റ് ലാമ്പ് ട്യുബിനെക്കളും ലാഭകരമാണ്. 40 വാട് ട്യുബിന്റെ വെളിച്ചം 15 വാട്ട് സി എഫ് എല് ഉണ്ടാക്കാം. സി എഫ് ലാമ്പുകള്‍ ഉപയോഗിച്ചാലുള്ള ലാഭം ഇതില്‍ നിന്നു കണക്കാക്കാം. ഇതിനുള്ള ഒരേ ഒരു ദുഷ്യവശം മെര്‍കുറി ഉപയോഗിക്കുന്നത് കൊണ്ടു പരിസര മലിനീകരണം ഉണ്റാകുമോ എന്നതാണ്.
അതുകൊണ്ടു വൈദ്യുത ബില് കുറക്കാന്‍ സാധാരണ ബള്‍ബുകള്‍ മാറി ട്യുബെ ലൈറ്റോ സി എഫ് ലാംപോ ആകുകയാണ് നല്ലത്. പ്രത്യേകിച്ചും കുടുതല്‍ സമയം കത്തിക്കിടക്കുന്ന ഇടനാഴികളിലും കുളിമുറി അടുക്കള എന്നിവയിലും. ഇതില്‍ നിന്നു തന്നെ ഗണ്യമായി വൈദ്യുത ചെലവ് കുറക്കാന്‍ കഴിയും. ആദ്യം അല്പം പണം കുടുതല്‍ ചിലവാക്കണമെന്നു മാത്രം. എല്ലാ വീടുകളിലും സി എഫ് എല്‍ ഉപയോഗിച്ചാല്‍ തന്നെ വളരെ അധികം ഉര്‍ജചിലവ് കുറക്കാന്‍ കഴിയും. ചില സര്‍ക്കാര്‍ സ്ഥാപനങ്ങള് ( ANERT ) വില കുറച്ചു ഇത്തരം വിളക്കുകള്‍ വിറ്റിരുന്നു. ഗ്യാസിനും പെട്രോളിനും സബ്സിഡി ഉള്ളതുപോലെ കുറഞ്ഞ ചിലവില്‍ ഇത്തരം വിളക്കുകള്‍ ലഭ്യമായാല്‍ എല്ലാവരും ഇതുപയോഗിക്കും തീര്‍ച്ചയാണ്. വൈദ്യുത ബോര്‍ഡിനും പൊതുജനങ്ങല്കും ഒരുപോലെ പ്രയോജനം ഉണ്ടാകും. അതിന് ഒരി തീവ്ര യാതന പരിപാടി എടുക്കേണ്ടിയിരിക്കുന്നു.

വൈദ്യുതിയുടെ ഉപയോഗം കുറക്കാന്‍ - പാഠം ഒന്നു

2008-09-20T08:00:00.000-07:00

ആവശ്യമില്ലാത്തപോള്‍ ഉപകരണങ്ങള്‍ ഓഫ് ചെയ്യുക.

വൈദ്യുതിയുടെ ഉപയോഗം കുറയ്ക്കാന്‍ ഏറ്റവും എളുപ്പമുള്ള വഴി ആവശ്യമില്ലാത്തപോള്‍ വൈദ്യുത ഉപകരണങ്ങള്‍ ഓഫ് ചെയ്തിടുക എന്നത് തന്നെയാണ്. ഒരു വീട്ടില്‍ സാധാരണ കാണുന്ന കാഴ്ചകള്‍ നോക്കുക.

1. ടി വി പ്രവര്ത്തിച്ചു കൊണ്ടിരിക്കുന്നു, പക്ഷെ ആരും കാണാന്‍ ഇല്ല.

2. ഫാന്‍ കറങ്ങിക്കൊണ്ടിരിക്കുന്നു , മുറിയില്‍ ആരും ഇല്ല.

3. വിളക്ക് കത്തിക്കൊണ്‍ടിരിക്കുന്നു, മുറിയില്‍ ആരും ഇല്ല.

ഇത്തരം അനാവശ്യ ചിലവുകള്‍ ഒഴിവാക്കി കൂടെ?

ടി വി ആരും കാണാന്‍ ഇല്ലാത്തപോള്‍ ഓഫ് ചെയ്തുകുടെ?

മുറിയില്‍ നിന്നും അവസാനം പുറത്തിറങ്ങുന്ന ആള്കെങ്കിലും ഫാന്‍ ഓഫ് ചെയ്തുകുടെ?

ആരും ഇല്ലാത്ത മുറികളില്‍ എന്തിനാണ് വിളക്ക് കത്തുന്നത്?

നമ്മുടെ വീടുകളില്‍ ഒരു യുനിടു വൈദ്യുതി നല്‍കാന്‍ ഏകദേശം രണ്ടു യുനിടു വൈദ്യുതി ഉല്പാദിപ്പിക്കേണ്‍ടി വരുന്നു പലപ്പോഴും. അത് കൊണ്ടു നമുക്കു ലാഭം ഉണ്ടാകുന്നതിനോടൊപ്പം വൈദ്യുത ബോര്‍ഡിനും ലാഭം ഉണ്ടാകുന്നു.

കറണ്ടുചാറ്ജു കണക്കാക്കാം

2008-09-14T08:50:00.000-07:00

വോള്ടത വോള്ടിലും കറണ്ടു ആമ്പീരിലും ശക്തി വാട്ടിലും ആണു അളക്കുന്നതു എന്നു പറഞ്ഞല്ലൊ. ഇനി നമുക്കു എങ്ങനെയാണു കറണ്ടു ബില്ല് കണക്കാക്കുന്നതു എന്നു നോക്കാം. കറണ്ടു ബില്ലില് നാം എത്ര യൂണിറ്റു വൈദ്യുതി ഉപയോഗിച്ചു എന്നാണു കാണിക്കുക. ഉപയോഗിച്ച യൂണിറ്റനുസരിച്ചാണു പണം കെട്ടേണ്ടതു. അപ്പോള് എന്താണു ഈ യൂണിറ്റു ? യൂണിറ്റു എന്നു പറയുന്നതു ഊര്ജത്തിന്റെ അളവാണു, ഒരു കിലൊവാട്ട് മണിക്കൂറ് ആണു ഒരു യൂനിറ്റു. അതായതു ഒരു നൂറു വാട്ടു ബള്ബു 10 മണിക്കൂറ് തുടര്ചയായി പ്രവര്ത്തിച്ചാല് ഒരു യൂനിറ്റു വൈദ്യുതി ആകും. 1000 വാട്ടാണു ഒരു കിലൊവാട്ട്. 1000 വാട്ടു ശക്തിയുള്ള ഒരു വൈദ്യുത ഉപകരണം ഒരു മണിക്കൂര് പ്രവര്തിപ്പിച്ചാല് കറണ്ടു ചാര്ജില് ഒരു യൂണിറ്റു കൂടും. നമ്മള് ഉപയോഗിച്ച യൂനിറ്റുകളുടെ അളവനുസരിച്ചു പണം കൊടുത്തേ പറ്റൂ. കറണ്ടു ചാര്ജു പല സ്ലാബില് ആയി തിരിച്ചിരിക്കുന്നു. കുറഞ്ഞ ഉപയോഗം ഉള്ളവര് കുറഞ്ഞ തോതിലും കൂടുതല് ഉപയോഗിക്കുന്നവര് കൂടിയ തോതിലും പണം കൊടുക്കണം. അതുകൊണ്ടു യൂനിറ്റുകള് കുറയ്ക്കാന് എന്തു ചെയ്യാന് കഴിയുമോ അതു നാം ചെയ്തേ പറ്റൂ. അതുകൊണ്ടാണു ആവശ്യമില്ലാത്തപ്പോള് റ്റിവിയും ഫാനും ഓഫാക്കണം എന്നു പറയുന്നതു. ഒരു സാധാരണ വീട്ടിലെ കറണ്ടു ചാര്ജു എങ്ങനെ കണക്കാക്കാം എന്നു നോക്കാം.
ഒരു വീട്ടിലെ വൈദ്യു തിയുടെ ഉപയോഗവും ചിലവാകുന്ന ഉര്ജവും താഴെകൊടുക്കുന്നു.
1. ട്യുബെ ലൈറ്റ് : 40 വാട്ടിന്റെ 4 എണ്ണം ശരാശരി 4 മണിക്കൂര് ഉപയോഗം
ഉര്ജം = 40 . 4 . 4 = 640 വാട്ട് മണിക്കൂര്
൨.സാധാരണ ബള്ബുകള് : 60 വാട്ടിന്റെ 4 എണ്ണം 4 മണിക്കൂര്
ഉര്ജം = 60 . 4 . 4 = 960 വാട്ട് മണിക്കൂര്
3. ടി വി : 120 വാട്ട് 8 മണിക്കൂര് ഉപയോഗം
ഉര്ജം = 120 . 8 = 960 വാട്ട് മണിക്കൂര്
4. മിക്സി : 550 വാട്ട് ഒരു മണിക്കൂര്
ഉര്ജം = 550 . 1 . = 550 വാട്ട് മണിക്കുര്
5. വെള്ളം ചൂടാക്കുന്ന ഹീടര് : 1500 വാട്ട് 1 മണിക്കുര്
ഉര്ജം = 1500 . 1 . = 1500 വാട്ട് മണിക്കൂര്
--------------------------------------------------------------
ആകെ : 640 + 960 + 960 + 550 + 1500 = 4610 = 4.61 യുനിടു
-------------------------------------------------------------
ഒരു മാസത്തേക്ക് : 4.61 . 30 = 138.3 യുനിടു

ഇന്നത്തെ നിരക്കനുസരിച്ച്ച്ചു കരണ്ടു ചാര്ജ്

ആദ്യത്തെ 40 യുനിടിനു : 115 പൈസ വച്ചു 56.00
അടുത്ത 40 യുനിടിനു : 190 പൈസ വച്ചു 76.00
അടുത്ത 40 യുനിടിനു : 240 പൈസ വച്ചു 96.00
അടുത്ത 18.0 യുനിടിനു : 300 പൈസ വച്ചു 54.00
--------------------------------------------------------------
ആകെ : 282.00 രൂപ
മീറ്റര്‍ വാടക പുറമെ
--------------------------------------------------------------

വോള്‍ട്ട് ആമ്പീര്‍ വാറ്റ്

2008-09-09T04:37:00.000-07:00

ആറ്റില് കളഞ്ഞാലും അളന്നു കളയണം എന്നാണല്ലോ ചൊല്ലു. നീളം അളക്കുന്നത് മീറ്ററില്, ചൂട് അളക്കുന്നത് ഡിഗ്രി സെന്റിഗ്ര്ടിലു അഥവാ ഡിഗ്രി ഫാരെന് ഹീടില് . അതുപോലെ വൈദ്യുതി അളക്കാന് ചിലതൊക്കെ അറിയണം. വൈദ്യുതിയെ സംബന്ധിച്ചിടത്തോളം രണ്ടു പ്രധാന കാര്യങ്ങളു വൈദ്യുതിയുടെ സമ്മര്ദം അഥവ വോല്ടത എന്നതും വൈദ്യുതിയുടെ ധാര അഥവ കറണ്ടു എന്നതും ആണു. രണ്ടു വൈദ്യുത അഗ്രം തമ്മില് വ്യ്ത്യസ്ഥമായ സമ്മര്ദം നിലനില്കുമ്പോളാണു അവതമ്മില് ബന്ധിപ്പിക്കുമ്പോള് ഒരു ധാര പ്രവഹിക്കുന്നതു. ഉയരവ്യ്ത്യാസമുള്ള് രണ്ടു ടാങ്കുകള് തമ്മില് പൈപു വഴി ബന്ധിപ്പിക്കുമ്പോള് കൂടുതല് ഉയരത്തിലുള്ള റ്റാങ്കില് നിന്നു താഴ്ചയിലുള്ള റ്റാങ്ക്ങ്കിലേക്കു വെള്ളം ഒഴുകുന്നതുപോലെ എന്നുപറയാം. വൈദ്യുതിയുടെ സമ്മറ്ദ വ്യ്ത്യാസം അളക്കാനുള്ള യൂനിറ്റാണു വോള്തത അഥവ വോള്റ്റേജു . ഉയറ്ന്ന വൊല്ടേജുണ്ടെങ്കില് കൂടുതല് കരെണ്ടു പ്രവഹിപ്പിക്കാന് കഴിയും. ധാര അഥവാ കറണ്ടിന്റെ യൂനിട്റ്റിനു ആമ്പീര് എന്നാണു പറയുന്നതു. വോള്ടും അമ്പീരും വൈദ്യുതിയെപ്പറ്റി ഗവേഷന്ണം നടത്തിയ രണ്ടു ശാസ്ത്രകാരന്മാരായിരുന്നു.

മുമ്പു പറഞതുപോലെ ഏസി വൈദ്യുതിയാണു വീടുകളില് എത്തുന്നതു. വീട്ടിലേക്കു മൂന്നു കമ്പികളില് കൂടിയാണു വൈദ്യുതി എടുത്തിരിക്കുന്നതു എങ്കില് വീട്ടില് മൂന്നു ഫേസ് കണെക്ഷന് ആണെന്നു പറയുന്നു. കൂടുതല് വൈദ്യുതി ഉപയോഗിക്കുന്ന വലിയ വീടുകളില് മൂന്നു ഫേസ് കണെക്ഷന് എടുക്കണമെന്നു നിര്ബന്ധമാണു. എന്നാല് ഇടത്തരം , ചെറിയ വീടുകളിലേക്കു വൈദ്യുതി രണ്ടു ലൈനില് കൂടിയാണു എടുക്കുന്നതു. ഇതിനു ഒരു ഫേസ് കണെക്ഷന് എന്നു പറയുന്നു. ഒരു കമ്പിയെ ഫേസു എന്നും മറ്റേ കമ്പിയേ നുട്രല് എന്നും വിളിക്കുന്നു. ഈ രണ്ടു കമ്പികല് തമ്മില് ഒരു വൈദ്യുത ഉപ്കരണത്തില് കൂടി ബന്ധം സ്ഥാപിക്കുമ്പോള് ഉപകരണത്തില് ഒരു ധാര (കറണ്ടു) പ്രവഹിക്കുകയും ഉപകരണം പ്രവര്ത്തികുകയും ചെയ്യുന്നു. വിളക്കാണെങ്കില് പ്രകാശം തരുന്നു, മിക്സി ആണെങ്കില് മോടോറ് കറങ്ങി തേങ്ങാ അരയുന്നു. ഒറ്റ ഫേസു വൈദ്യുതി വീട്ടിലേക്കു 230 വോള്ട് സമ്മ്ര്ദത്തില് ആണു എത്തുന്നതു. മൂന്നു ഫേസ് ആണെണ്കില് രണ്ടു ഫേസുകള് തമ്മില് 400 വോള്റ്റുണ്ടാവും. ഒരു ഫേസും നുട്രല്ഉം തമ്മില് 230 വോള്ടും. നാം വീട്ടില് ഉപയോഗിക്കുന്ന മിക്കവാറും എല്ലാ ഉപകരണങ്ങളും 230 വോള്റ്റില് പ്രവര്തിക്കുന്നവയാണു. വോള്റ്റത കുറഞ്ഞാല് പ്രവര്തനക്ഷമത കുറയുന്നു. ചില സ്ഥലങ്ങളില് വോള്ടതക്ഷാമം പരിഹരിക്കണമെന്നു പറയുന്നതു കുറഞ്ഞ വോള്ടതയില് വിളക്കുകള് വേണ്ടത്ര പ്രകാശം തരാത്തതു കൊണ്ടാണു. അതുപോലെ തന്നെ വോള്ടത കൂടിയാല് ഉപകരണങ്ങള്കു തകരാറുണ്ടാകുകയും ചെയ്യും. ഇടിമിന്നല് കൊണ്ടു ഉപകരണങ്ങള്കു തകരാറു വരുന്നതു പെട്ടെന്നുണ്ടാകുന്ന ഉയറ്ന്ന വോള്ടത കൊണ്ടാണു.

ഒരു വൈദ്യുത ഉപകരണത്തിന്റെ ശക്തി അനുസരിച്ചാണു അതു കൂടുതല് പ്രകാശം തരുകയും പെട്ടെന്നു ചൂടാകുകയും മറ്റും ചെയ്യുന്നതു. ഈ ശക്തി അളക്കുന്ന യൂനിറ്റാണു വാട്ടു. ഉയര്ന്ന വാട്ടുള്ള വിളക്കു കൂട്തല് പ്രകാശം തരും എന്നു നമുക്കറിയാം. പുസ്തകം വായിക്കാന് നല്ല പ്രകാശം വേണ്ടതുകൊണ്ടു പഠനമുറിയില് വാട്ടു കൂടിയ വിളക്കാണു ഇടുന്നതു.( ശക്തി കുറക്കണമെന്ക്കില് മേശവിളക്കുപയോഗിക്കാം). കുളിമുറിയില് കുരഞ്ഞ വാട്ടിന്റെയും. കൂടിയ ശക്തിയുള്ള ഉപകരണങ്ങല് കൂടുതല് വൈദ്യുതി ഉപയോഗിക്കും എന്നും വ്യക്തമാണല്ലോ.

വൈദ്യുതി രണ്ടുതരം AC യും DC യും

2008-09-09T01:10:00.000-07:00

A: അമ്ലം ഉപയോഗിക്കുന്ന batteri

B: സാധാരണ സെല്ലുകള്‍

നാം ഉപയോഗിക്കുന്ന വൈദ്യുതി രണ്ടു തരമാണ്. ടോര്‍ച്ചു സെല്ലിലും കാര്‍ ബാട്ടെരിയിലും മറ്റും ഉണ്ടാക്കുനത് DC ആണ്. വൈദ്യുതിയുടെ രണ്ടു ബിന്ദുക്കളും കൃത്യമായ ദിശയില്‍ എല്ലായ്പോഴും ആയിരിക്കും, ഒന്നു + ഉം മറ്റേതു - ഉം. എന്നാല്‍ നമ്മുടെ വീട്ടില്‍ വെളിച്ചം തരാനും മിക്സി പ്രവര്‍ത്ത്തിപ്പിക്കാനും മറ്റും ഉപയോഗിക്കുന്ന വൈദ്യുതി AC ആണ്. അതിന്റെ ദിശ മാറിക്കൊണ്ടിരിക്കും. ഒരറ്റം ഇപ്പോള്‍ + ആണെന്കില്‍ അല്‍പസമയം കഴിഞ്ഞു - ആകും , തിരിച്ചും. കറന്റിന്റെ പ്രവാഹവും അങ്ങോട്ടും ഇങ്ങോട്ടും ആയി മാറിക്കൊണ്ടിരിക്കും. വന്‍കിട വൈദ്യുത കേന്ദ്രത്തില്‍ എല്ലാം AC ആണ് ഉല്പാദിപ്പിക്കുന്നത്. DC കുറഞ തോതിലെ ഉണ്ടാക്കുന്നുളൂ. ഇതിന് പല കാരണങ്ങളും ഉണ്ട്. ഏറ്റവും പ്രധാനം AC വൈദ്യുതി ഒരു സ്ഥലത്ത് നിന്നു മറൊരു സ്ഥലത്തേക്ക് കൊണ്ടുപോകാനുള്ള സൌകര്യമാണ്. ഉയര്ന്ന voltage നിലയില്‍ വൈദ്യുതി അയച്ചാല്‍ ഉര്‍ജനഷ്ടം വളരെ കുറഞ്ഞിരിക്കും. ട്രാന്‍സ്ഫോര്‍മര്‍ എന്നുപറയുന്ന ഉപകരണം ഉപയോഗിച്ചു voltage നില‍ യഥേഷ്ടം കൂട്ടുകയോ കുറയ്ക്കുകയോ ആവാം .

ചിത്രത്തില്‍ കാണിച്ചിരിക്കുന്നത് DC ഉണ്ടാക്കുന്ന ഉപകരണങ്ങള്‍